Қытайда үш мың жыл бұрын өмір сүрген қолтырауынның сүйегі табылды

Қытайда жергілікті археологтар үш мың жыл бұрын өмір сүрген қолтырауынның сүйектерін тапты. Бұл туралы lenta.ru хабарлады. China Daily мәліметі бойынша мамандар Шэньси провинциясындағы Сиань қаласында жер асты үңгірлерінің бірін зерттеу кезінде тапқан. Экспедиция басшысы Юэа Ляньцзянянің айтуынша, қолтырауын Батыс Чжоу династиясының тұсында өмір сүрген (11 ғасырдан б.з.д 771 жылға дейін). «Бізге бірнеше мың жыл бұрынғы қолтырауындар жайлы маңызды мәліметтер алуымызға септігі тиді. Бұған дейін мұндай қаңқалар тек еліміздің оңтүстігінен ғана табылған. Осы сүйекке қарап, Аспанасты елінің солтүстік-батысында ауа райы тым ылғалды болғанын, сондай-ақ қазба жұмыстарының маңайында су қоймасы немесе біренеше шағын өзен болғанын аңғаруға болады», – дейді Юэа Ляньцзяня. Сонымен қатар, зерттеу жұмыстары кезінде археологтар ежелгі 10 қабірді, бірнеше көмілген құдықты, үйінділерді, қоладан, тастан, сүйектен, қыштан жасалған бұйымдарды тапты.