Юбенк: Биыл Головкинмен жекпе-жек өткіземін

IBO тұжырымы бойынша орта салмақта әлем чемпионы кіші Крис Юбенк биыл WBA (Super), IBO, WBC және IBF тұжырымдары бойынша орта салмақтағы әлем чемпионы Геннадий Головкинмен кездесетінін мәлімдеді. Бұл туралы vesti.kz хабарлады. «Бұл жекпе-жекті тек мен ғана емес бүкіл әлем күтіп отыр деп айта аламын. Өз басым бұған 100 пайыз дайынмын. Головкинді соңғы екі жыл бойы жекпе-жекке шақырып жүрмін. Бұл айқас 2017 жылы өтеді», – деді боксшы. Кіші Юбенк өткен сенбі күні Лондонда өткен жекпе-жекте австралиялық Ренольд Куинланды нокаутқа түсіріп, IBO тұжырымы бойынша әлем чемпионы атанған. Осы жеңісінен кейін ол бірден Головкинді шаршы алаңға шақырды. Ал боксшының әкесі бір аптадан кейін қазақстандық спортшының командасымен келіссөз жүргізетінін айтқан болатын. «Енді көп нәрсе біздің қолымызда. Миллиондаған көрермені бар ITV деген күшіміз бар, ал ұлым Ұлыбританияның ең беделді боксшысы. Бірінші кезекте Головкинмен жұдырықтасуды көздеп отырмыз. Оны қалай жеңу керек екенін жақсы білеміз», – деді боксшының әкесі. Айта кетейік, кіші Юбенк пен қазақстандық былғары қолғап шебері 2016 жылы кездесу өткізу жөнінде келіссөз жүргізген. Алайда, бұл процесте Юбенктің әкесі тым көп гонарар сұрағанына байланысты тоқтап қалыпты. Мәліметтер бойынша, ұлыбританиялықтар 6 миллион доллардан бас тартқан көрінеді.