Кабананга Африка ұлттары кубогының таңдаулы құрамына енді

Африка футбол қауымдастығы ресми сайтында Габон елінде өткен Африка ұлттары кубогының таңдаулы құрамын жариялады. Кіл мықтылардан жасақталған құрамаға «Астана» футбол клубы мен Конго Демократиялық Республикасының шабуылшысы Жуниор Кабананга қосылды. Турнирде ол үш гол соғып, үздік сұрмерген атанған болатын. Африка ұлттары кубогының символикалық құрамы: Қақпашы: Фабрис Ондоа (Камерун, «Химнастик»). Қорғаушылар: Кара Мбодж (Сенегал, «Андерлехт»), Ахмед Хегази (Египет, «Аль-Ахли»), Мишель Нгаду-Нгаджи (Камерун, «Славия» Прага). Жартылай қорғаушылар: Шарль Каборе (Буркина-Фасо, «Краснодар»), Бертран Траоре (Буркина-Фасо, «Аякс»), Дэниэл Амарти (Гана, «Лестер Сити»), Кристиан Атсу (Гана, «Ньюкасл Юнайтед»), Мұхаммед Салах (Египет, «Рома»). Шабуылшылар: Кристиан Бассогог (Камерун, «Ольборг»), Жуниор Кабананга (Конго ДР, «Астана»). Камерун форварды Кристиан Бассогог турнирдің үздік ойыншысы атанды.