Корольдік өкілімен әңгіме

Жақында Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің төр­ағасы Әмзебек Жолшыбеков Швеция Корольдігінің Қа­зақ­стандағы Уақытша сенімді өкілі Манне Вэнгборгпен кездесті. Мәжілістің комитет төр­аға­сы кездесуді Швеция Корольдігіне былтырғы жылдың со­ңын­да Астанада өткен ЕҚЫҰ Саммитінде қолдау көрсеткендік­те­рі үшін ри­зашылығын білдіруден бас­та­ды. Астана мен Еуро­палық Одақ ара­сындағы бай­ла­ныстар жай­ын­да жылы пікір айтты. Әңгіме барысында депутат пен дипломат екі мемлекет ара­сын­дағы экономикалық және саяси өмірге, парламентаралық бай­ла­ныстарға тоқталды. Дипломат олардың бүгінге дейін жемісті бо­лып келе жатқанына, алдағы уақытта Корольдік сол дәстүрді жалғастыра беретініне сенім білдірді. Ал комитет төрағасы мей­ман­ды Қазақстанның өз тәуел­сіз­дігінің 20 жылында жеткен та­быс­тары мен жетістіктері және алдағы мақсаттары жайынан хабар­дар етті, деп хабарлады Мәжілістің баспасөз қызметі.