Байыпты байланыстар бағдары

Елбасы Нұрсұлтан Назар­баев­тың осы жылдың сәуір айында Эстонияға мемлекеттік сапарында екі елдің арасындағы іскерлік бай­ланыстарды нығайта түсуге бағытталған біраз келісімдерге қол қойылғаны белгілі. Солардың арасында еліміздің теңіз қақпасы – «Ақтау халықаралық теңіз сауда порты» мен «Таллинн порты» АҚ арасындағы өзара ынтымақтастық туралы келісім де бар-ды. Сол игі бастаманы жақында одан әрі жал­ғастырып, іскерлік байланыстар қарқын алатындай нәтижеге қол жетті. Ақтауға Эстонияның Қа­зақ­стандағы сенімді өкілі М.Солн­сон бастаған делегация келіп, Ақтау портының жұмысымен жете танысты. Ақтау және Таллинн теңіз порттары арасындағы жүк тасымалын дамыту, транзиттік жүктердің бағыттарын әр­тарап­тандыру әңгіме болды. Бұл ретте Ақтау порты арқылы Еділ – Балтық кеме жолымен жүк тасы­малдау көлемін ұлғайта түсу жол­дары белгіленіп, өзара тәжірибе алмасу ретінде жаңа техноло­гияларды өндіріске енгізуге ба­ғыт­талған хаттамаға қол қойыл­ды. Сондай-ақ бір топ қазақ­стан­дық теңіз мамандарын Эстония­ның оқу орындарында оқытудың жолдары белгіленді. Мұның бәрі екі елдің арасындағы іскерлік эко­номикалық байланыстарға жоға­ры қарқын берері сөзсіз, дейді Ақ­тау теңіз портының дирек­торы Берік Уандықов. Жоламан БОШАЛАҚ, Маңғыстау облысы.