СҚО әкімі жаттықтырушыларға пәтер сыйлады

Ақбас Алатау баурайында жоғары деңгейде ұйымдас­ты­рыл­ған ХХVІІІ Дүниежүзілік қыс­қы Универсиада ойындарында солтүстікқазақстандық спортшылар арасынан Ринат Мухин жар­қырай көрінді. Ол ерлер арасында өткен шаңғы жарысының 7,5 шақы­рымдық командалық эстафетасында күміс медаль олжалаған болатын. Облыс әкімі байрақты бәсе­кеге қатысқан спортшылар мен олардың бапкерлерін қабылдап, үлкен құрмет көрсетті. Екі жылда бір рет ұйымдастырылатын дүбірлі додада жерлестеріміздің жақсы жетістіктерге жеткенін атап көрсетті. Мәселен, конь­ки­шілер Татьяна Климчук 5000 метр мен 3 шақырым қашықтықта бесінші, Роман Керч 500 метрлік қашықтықта жетінші, 1000 метрлік қашықтықта сегізінші нәтиже көр­сетіп, үздік ондыққа енді. Өңір басшысы Ринаттың барша қазақстандықтардың сенімін ақтай білгеніне ризашылық білді­ріп, алғыс хатпен және ақша­лай сыйлықпен марапаттады. Ал оның ата-анасы және жаттық­тыру­­шылары Александр, Сәу­ле Мухиндерге үш бөлмелі пә­тер­дің кілтін табыс етті. Санаулы күндерден кейін Жапонияның Саппоро қаласында VIII қысқы Азия ойындары бас­талады. Онда шаңғышы Ринат Му­хин, конькишілер Роман Керч, Дмитрий Бабенко, Елена Ур­ван­цева, Татьяна Климчук Қазақ­стан намысын қорғайтын бола­ды. Өмір ЕСҚАЛИ, «Егемен Қазақстан» Солтүстік Қазақстан облысы