Прокуратураның жаңа ғимараттары шалғайдағы аудан орталықтарының ажарын аша түсті

Республиканың ең шалғай орналасқан Бөкей ордасы, Жәні­бек, Казталов, Қаратөбе және Сы­рым аудандарының орталық­та­рында бүгінгі заман талабына сай, еңселі, сәнді де сапалы аудан­дық прокуратуралардың жаңа ғимараттары ашылды. Аталмыш құрылысқа қажетті қаражат рес­публикалық бюджеттен бөлінген. Оның пайдалануға берілу рәсі­мі­не республика Бас прокуроры А.Дау­ыл­баев қатысып, сөз сөй­леді. – Бұл Елбасымыздың құқық қорғау органдарына, соның ішінде прокуратураның аудандық буындарына көрсеткен шексіз қамқорлығы мен қолдауының кө­рі­нісі. Әрі еліміздің алыс аудан­дарында прокуратура ғимарат­тары құрылыстарының аяқталуы Тәуелсіздіктің 20 жылдық мерекесімен тұспа-тұс келіп отыр. Мұның өзі, сөз жоқ, игі істің мәні мен мазмұнын, тигізер пайдасын тереңдете түседі. Аталмыш ғи­ма­раттарда аудандық деңгейдегі про­куратура қызметкерлерінің алаңсыз қызмет жасауларына барлық жағдайлар бар. Ендігі міндет біреу ғана. Ол осы қолдау мен қамқорлықтың есесін өтеу, қайтарым коэффициентін көтеру, – деді Асхат Қайзоллаұлы өз сөзінде. Прокуратура ардагерлері Ба­тыс Қазақстан облыстық ұйы­мының төрағасы Жеңіс Хафизов өз ойын былайша тарқатты: – Біздің прокуратура органдарында қызмет жасаған кезіміз кеңестік кезеңге сәйкес келді. Ол жыл­дар­да аудандық прокуратуралардың дәл бүгінгідей сәулетті ғима­рат­тары өңіміз түгіл түсімізге де кірмейтін. Көзге тым қораш, мы­жы­райған, төбелері төмен, еңсеңді басып тұратын тар үйлерде еңбек еттік. Екеуінің айырмашылығы  жер мен көктей. Осынау жақсы­лық пен қуаныш тек Тәуел­сіз­діктің арқасында мүмкін болып отыр. Ұзағынан болсын. Осын­дай ойдың желісін еңбек ардагері Кәрім Өтеғұлов одан әрі то­лықтырды. Аудан орталықтарындағы лен­та қию рәсімін Бас про­ку­рор Асхат Дауылбаев пен Батыс Қа­зақстан облысының әкімі Бақ­тықожа Ізмұхамбетов жасады. Тәуелсіздіктің 20 жылдық мерекесі қарсаңында шалғай аудандар орталықтарында ашылған жаңа прокуратура ғимараттары сол аймақтардың ажарын аша түсуге айтарлықтай әсерін тигізгені қандай ғанибет. Темір ҚҰСАЙЫН, Батыс Қазақстан облысы.