Өзгерістер енгізілді

2011 жылдың 10 қыркүйегінде «Егемен Қазақстан» және «Казахстанская правда» газеттерінде «Қазақстан Республикасы Мемлекеттік қызмет істері жөніндегі агенттігі төрағасының «Мемлекеттік қызметшілердің қызмет тізімі үлгісін бекіту туралы» 2003 жылғы 29 сәуірдегі №02-01-02/59 бұйрығына өзгеріс енгізу тура­лы» Мемлекеттік қызмет істері жөніндегі агенттігі төрағасының бұйрығы жарияланған болатын. Бұйрықтың түсіндірмесіне сәй­­­­кес, азаматтардың өз қабілеттері мен кәсіби даярлығына сәйкес мемлекеттік қызмет бойынша жо­ғарылау құқығы мемлекеттік қыз­меттің маңызды принциптерінің бірі болып табылатын жалпы қол­жетімділік принципіне негізделеді. Бұл принцип «Мемлекеттік қыз­мет туралы» Заңда бекітілген. Заңның 8-бабында мемле­кет­тiк қызметшiнiң бiлiктiлiгi мен қабілетi, өзiнiң қызметтiк мiндет­те­рiн адал орындауы ескеріле оты­рып, қызметi бойынша жоға­ры­л­атылуға құқығы бекітілген. Қазіргі кезде бос мемлекеттік әкімшілік лауазымдарға барлық тағайындаулардың 70%-ына дейін ауысу тәртібімен жүзеге асыры­ла­ды. Бұл шамамен жылына 22 000 тағайындауды құрайды. Заңнамаға сәйкес, мұндай жағ­дайда мемлекеттік қызметші бос лауазымға қойылатын біліктілік та­лаптарына сай болуы тиіс. Со­ны­мен қатар, мемлекеттік қыз­мет­шінің өзіне қойылатын негізгі талаптары екеу-ақ: жұмыс өтілі мен білімі бойынша талаптар. Осылайша, егер мемлекеттік қызметшінің жеткілікті жұмыс өтілі мен тиісті дипломы болса, он­да ол тиісті лауазымға ауысу тәр­тібімен тағайындала алады. Бұл ретте, оның бұрынғы лауа­зым­дағы жұмыс нәтижелері, оның қызметтік міндеттерін орындауы­на берілген баға, кәсіби және жеке қасиеттері, басқа да нақты қа­бі­леттері, сондай-ақ кәсіби дай­ын­дығының көрсеткіштері ескерілмейді. Шын мәнінде, мемлекеттік қыз­метшіні конкурссыз ауысу тәр­тібімен тағайындаған жағдайда, оның жоғарыда аталған қасиет­терін бағалауды бұрынғы жұмыс орнының беруін қамтамасыз ететін толыққанды тетік жоқ. Мемлекеттік орган өзінің қызметкерін қабылдау туралы шешім қабыл­дағалы жатқан мемлекеттік ор­ган­ға ауысып жатқан қызмет­ші­сінің жоғарыда аталған көрсет­кіш­тері туралы бағаны беруі міндетті емес. Осыған байланысты агенттік­тің осы бұйрығы заңнама бой­ын­ша әрбір мемлекеттік қызметшіге толтырылатын және бос лауазым­дық орны бар мемлекеттік орган мемлекеттік қызметшіні ауысу тәртібімен тағайындауды келісу үшін агенттікке ұсынатын құжат­қа – қызмет тізіміне өзгерістер енгізуді көздейді. Бұйрық және оның түсін­дір­ме­сі туралы толық ақпарат Мемлекеттік қызмет істері жөніндегі агенттіктің www.kyzmet.kz ресми веб-сайтында орналасқан.