Ғашықтар ғаламтор арқылы некелесті

Бүгінде мемлекетіміздің эл­ектронды үкімет құру жө­ніндегі әрекеті біртіндеп жү­зеге асып келеді. Қа­зіргі ақ­па­раттық технологиялар зама­нында оның тілін жылдам мең­герген жан­дар үйінде оты­рып-ақ, төлқұжа­тын интернет ар­қылы ре­сімдеп, ком­му­нал­дық қыз­мет ақысын тө­л­еп, тіпті некеге де оты­ра алады. Бұл элек­тронды үкі­мет құру­да­ғы қызметтердің бір па­расы ғана. Қысқасы, Әділет министрлігі де ав­то­мат­тан­­дырылған мемлекеттік қыз­меттердің санын ұл­ғай­туда бірқатар шаралар қа­былдауда. Осының бір көрінісі – дүйсенбі күні Алматыдағы «Жас отау» орталық Неке са­райында жаңа жұп интернет арқылы жұ­бай­лық өмірге жолдама алды. Осылайша, Ал­маты қаласында интернет арқылы неке рә­сімін тіркеу туралы өтініш түсірген тұңғыш қазақстандық жұп некеге тұрды. Ендігі жерде тұрғындардың уақытын үнемдеп, жұ­мы­сын жеңілдететін мұндай тірліктер үйрен­шікті үрдіске айнала бермек. Бұл қызмет түрі тек Қазақстан Республикасының аза­мат­­тарына ғана көрсетіледі. Сонымен Асхат Садырбаев пен Ерке Есмахан оңтүстік астанадағы Әділет депар­та­ментінің Әуезов аудандық АХАЖ бөлімі қыз­метіне бірінші болып 08.08.2011 жылы электронды түрде өтініш берген. Қалай десек те, олар еліміздегі интернет арқылы тұңғыш бас қосқан жандар болып есептелмек. Бұларды жұлдызды жұп деп те атауға болады. Асхат – «Еларна» телеарнасы арқылы «Шіркін-лайф» бағдар­лама­сы­ның продюсері әрі жүргізушісі ретінде танылып келе жатса, Ерке Есмахан – «Іңкәр» тобының әншісі. Осылайша, елімізде алғашқы электронды жүйемен жүргі­зіл­ген неке қию салтанатына қазақ­стандық эстрада, кино және телевизия жұлдыздары да келді. Сол сияқты бұл игі шараға Бай­ланыс және ақпарат министр­лі­гі­нің және «Ұлттық ақпараттық технологиялар» АҚ өкілдері қатысты. Еске сала кетейік, ендігі жерде Қазақстан азаматтары ғалам­шар­дың кез келген нүктесінде тұрып, неке рәсімін тіркеу тура­лы өтінішті www.egov.kz порталы арқылы бере алады. Басты талап – жастарда элек­трон­­ды-сандық қол­таңбаның болуы. Ал аталған қызметті қолданған алғашқы 50 жұп қазақстандық жұлдыздардың құт­тық­таулары жазылған бейнетаспаларды алады. Айнаш ЕСАЛИ. Алматы. –––––––––––––––––––– Суретті түсірген Борис БУЗИН.