Радиобайланыс құралдары өзімізде шығады

Кеше Қорғаныс министрі Әділбек Жақсыбеков радио­бай­ланыс құралдарын жасайтын «Талес Казахстан Инжиниринг» зауытын салтанатты жағдайда ашты. «Казинжэлектроникс» қор­ға­ныс кәсіпорнының базасында бі­рігіп УҚТ және ҚТ-диапа­зон­ды байланыс құралдарының үшін­ші, төртінші буынын шы­ға­ру қолға алынбақ. Бұл жоба Қазақстан мен Фран­ция президенттері Нұрсұл­тан Назарбаев пен Николя Сар­козидің екі ел арасындағы ын­ты­мақтастықты кеңейту жөнін­де­гі келісімдерінің тәжірибе жү­зінде жүзеге асуының ал­ғаш­қы кезеңі. «Казахстан инжиниринг» пен «Талес» компаниясының бір­лесе атқарған жұмысының нәтижесінде заманауи техно­ло­гия­лық базасы бар кәсіпорын құ­рылды. Француздың «Талес» ком­паниясы әскери және аза­мат­тық мақсаттағы жоғары тех­но­логиялы электронды жүйені жа­сауда және шығаруда әлем­дегі көшбастаушылардың бірі. Франция ТМД елдері ара­сында Қазақстанға бірінші бо­лып өз армиясында және қы­рық­тан астам елдерде қолда­ны­латын жаңа технологиясын беріп отырғандығын атап өткен жөн. Қазақстан үшін мұндай өн­дірісті іске қосу үдемелі ин­дус­триялық-инновациялық даму бағдарламасының маңызды элементі болып саналады. – Бүгін біз ұлттық радио­элек­тронды өнеркәсіптің дүние­ге келгеніне куә болып тұрмыз және де оның шығарған өнімі алдыңғы қатарлы сапа стан­дар­тына сай болуы тиіс,– деп атап өткен Қазақстан Қорғаныс министрі Әділбек Жақсыбеков, «Талес Казахстан Инжиниринг» еліміздегі маңдайалды кәсіп­орын­дардың бірі болатынына сенім білдірді. Жүніс ОМАР, Қорғаныс министрлігі баспасөз қызметінің бөлім бастығы, полковник. ---------------------------------- Суретті түсірген  Ермек Сарбасов.