Болашақтың кілті – бірлікте

Қызылорда облысында Тәуелсіздіктің 25 жылдығына арналған шаралар күн өткен сайын күш ала бастады. 25 күн бойына азаттықты ұлықтаған, тәуелсіздікке тәу еткен, дербестікті дәріптеген шаралар үздіксіз өтпек. Ал осы істің бәрінің бастауы «Болашағымыз – бірлікте» атты облыстық патриоттар форумынан басталды. Бұрнағы күні «Мұз айдыны» ке­ше­нінде Тәуелсіздіктің 25 жыл­ды­ғы­на орай «Болаша­ғы­­мыз – бір­лікте» ат­ты облыстық патриот­тар форумы өт­ті. Облыстық ішкі саясат бас­қар­ма­сы, «Ауған соғысының ардагерлері мен мү­­гедектерінің кеңесі» қоғамдық бір­лестігінің ұйым­дастыруымен өт­кен шараға облыс әкімінің орын­ба­сары Руслан Рүстемов, қоғамдық бір­лес­тіктер мен жастар ұйымдары, жалпы үш мың­нан аса адам қатысты. Форумның негізгі мақсаты Тәу­ел­сіздіктің 25 жылдығына орай «Бос­тандық», «Бірлік», «Бейбітшілік» сын­ды негізгі құндылықтарды ны­ғайту, жастардың патриоттық сана-сезімі мен азаматтық белсенділігін арттыру болып табылады. Шарада облыс әкімінің орынба­са­­ры Р.Рүстемов форумға қаты­су­­­­­шыларды ел Тәу­ел­сіздігінің 25­ жыл­­­дық мерейтойымен құт­тық­тай ке­ле, белгіленген аталымдар­ бо­й­ын­­­­ша елге еңбегі сіңген бірқатар аза­маттарды мара­паттады. Соның ішін­де «Қызылорда корейлер қау­ы­м­дастығы» облыстық фили­а­лы тө­р­ағасының орын­­басары Ви­лорий Никола­евич Шин «Қазақстан патрио­ты» ата­лым­ы­ны­ның иегері атанды. Вилорий Шин өз кезегінде фо­­­­рум­­­ды ұйым­дас­тырушыларға ал­­­­­ғы­сын білдіріп, жастарға ақ­жарма ті­­­­ле­гін жеткізді. «Біз қазір жүздеген эт­­­­нос өкілдері бас қосқан елміз. Ара­мыз­да орыс та, неміс те, чешен де бә­рі бар. Біздерді бір тағдыр түй­іс­­-­ ті­рді. Бір шаңырақтың астында бір­ге түтін түтетіп жатқаннан кей­ін біз­ге қазақ пен қазақтың да, қа­зақ пен басқа отандасымыз арасын­да дос­тық өте қажет. Мұнсыз елдің е­р­­те­ңін, жарқын болашақты елес­те­­ту қиын. Қазақ елінің бүгінгі тіз­гінін ұстап отырған Ел­ба­сымыз да «Бір болайық. Бір бол­­масақ, тоз-тозымыз шығып, елдік­тен айы­­рыламыз» дегенді жиі қай­та­лай­­ды. Ел алдында тұрған жар­қын мақсатқа ел бірлігін сақтай оты­­­рып қана жететінімізді ұдайы ес­­­кер­тіп келеді. Халықтың сөзіне қа­­ра­ған­да бақ дегенің кез келген жер­ге табан тірей бермейтін кө­рі­не­ді. Ынтымақ, ауызбіршілік, жа­ра­­­сымдылық ұялаған жерге барып қо­нақтайды. Сол бақ қазір Қа­зақ елін­де. Осы бақты сақтау үшін біз бәріміз бірлігімізге бекем бо­лайық», деді. Арқалы ақын Шаһизада Әбді­кә­рі­мов: «Тәуелсіздік – қазаққа қанмен, жан­­мен келген қасиетті де киелі ұғым. Оның қадіріне жеткендер күнде тәубе деу­ден жалыққан емес. Көк аспанның ас­тында Көк тудың желбірегенін кө­ріп жүрген бізде арман жоқ. Бүгінгі күнге мың шүкір!» – дейді. Шара соңында форумның үндеуі қабыл­дан­ды. Ал «Бір тағдыр! Бір Ел­басы» деп ұран­датқан патриот­­тық фо­рум­ның соңы Сыр өнерпаздарын­ың концертіне ұласты. Ержан БАЙТІЛЕС, «Егемен Қазақстан» ҚЫЗЫЛОРДА