Экстремизм қай жерден соққы жасайтынын ешкім білмейді - Елбасы

Ресейлік "Россия 24"  телеарнаға берген сұхбатында Мемлекет басшысы Нұрсұлтан Назарбаев Орталық Азияда терроризм мен экстремизмның алдын алу Ұжымдық қауіпсіздік келісім ұйымының мемлекеттік кешенді ықпал ету өзектілігіне тоқталды. Сонымен қатар экстремизм қай жерден соққы жасайтынын ешкім де білмейтінін жеткізді. "Ұжымдық қауіпсіздік келісім ұйымына мүше болу бұл біздің ерікті түрдегі шешім. Ол нақты біреуге қарсы бағытталмаған. Бұл әскери блок емес. Бұл нағыз керекті ұйым. Себебі қазіргі уақытта кез-келген мемлекетте терроризм мен экстремизм жапа шегуі мүмкін және лаңкестер қай уақытта қай жерден соққы жасайтынын ешкім білмейді. Әлемнің барлық елдерінде осымен күрес жүріп жатыр", - деді Нұрсұлтан Назарбаев. "Ұжымдық қауіпсіздік келісім ұйымының осы шарттарында біздің ортақ жұмысымыз көрінеді. Мысалы, Ұжымдық қауіпсіздік келісім ұйымының оңтүстік шекарасында, Тәжікстан, Түркменстан, Өзбекстан елдері Ауғанстанға жақын, оларға ДАИШ лаңкестері қысым көрсетуі мүмкін. Құдайға шүкір, қазіргі уақытта ешқандай мемлекет мұндай қауіпті көріп отырған жоқ. Алайда бұған дайын болу керек. ҰҚКҰ - бұл ұжымдық орган, бұл жерде мәселелер ұжымдасу арқылы шешіледі және біздің бір мүшемізге шабуыл жасалған уақытта, барлық азаматтар осы ұйымның арқасында сенімді болады деп ойлаймын", - деп бөлісті Қазақстан Президенті өз ойымен.