Ауыр атлетикадан ел құрамасының жаттықтырушысы қашан тағайындалады?

Мәдениет және спорт министрлігіне қарасты денешынықтыру және спорт істері жөніндегі комитеттің төрағасы Елсияр Қанағатовтың айтуынша, келесі аптада ауыр атлетикадан Қазақстан құрамасының бас бапкері тағайындалады, деп xабарлады ҚазАқпарат. «Алексей Ни өз еркімен арыз жазды. Ол кісі қызметінен кетті. Әзірше, міндетін атқарушы адам бар. Алдағы айдың 5-і күні барлық үміткерлерді қарап, нақты шешім шығаратын боламыз. Ауыр атлетика федерациясының өкілдері қатысады. Сол жерде бас бапкерді бекітеміз», – деді Е.Қанағатов. Айта кетейік, Алексей Ни ауыр атлетикадан Қазақстан құрамасын 1994 жылдан бері жаттықтырып келген. Алайда соңғы допинг дауынан кейін ол өз еркімен кетуге шешім қабылдады.