Президент жұмысшы жастарды құрметтеуге шақырды

Бұдан кейін Нұрсұлтан Назарбаев былай деді. «Әлемде барлық нәрсе жұмысшы қолымен жасалады. Біз компьютер алдында отырмыз. Алайда, астық себетін, жинайтын, нан пісіретін, темір қорытатын – жұмысшылар. Олар машина жүргізеді, үйлерді салады, жөндейді, зауыттар тұрғызады. Менің айтпағым, кез келген экономика жұмысшылардың арқасында дамиды. Сондықтан жұмысшы жастарға құрмет көрсетейік». Мемлекет басшысы жеті жыл бұрын басталған «Дипломмен ауылға» бағдарламасы туралы әңгімеледі. «Бәрі ауылдан қалаға қоныс аударған кездер болды. Бұл бүкіл әлемде бар процесс: үлкен қалалар адамдарды өзіне тартады. Алайда, біздегі жағдай басқаша. Құнарлы жерлері, 40 миллион гектар егіс алқабы, 290 миллион гектар жайылымдық жерлері бар Қазақстан бүкіл әлемді органикалық өнімдермен қамти алады. Тұрғындар саны өсіп келеді, ауылшаруашылығы өнімдеріне сұраныс өскен үстіне өсе береді. Яғни ауыл шаруашылығына сұраныс та ұлғая береді. Өйткені, қалай болғанда да, адамға әрқашан күніне үш мезгіл тамақ ішуі керек. Осы себепті бізде ауыл шаруашылығының болашағы зор» деді Президент.