Еуропарламент 2017 жылға арналған Еуроодақтың бюджетін бекітті. Оның жалпы көлемі 134,5 млрд еуроны құрайды. Бұл бюджетте жаңа жұмыс орнын ашу және экономикалық өсімге қажетті қаражат артты. Ал келесі жылда кіріс 157,86 млрд еуро көлемінде болады деп жоспарланып отыр. Бұл былтырғы жылмен салыстырғанда 11 пайызға көп, деп хабарлады Deutsche Welle.

    Басылымның хабарлауынша, барлық шығынның 40 пайызынан астамы (54,4 млрд еуро) еуропалық фермерлер мен ауыл шаруашылығын дамытуға бөлінеді. Ал 500 млн еуро жастар арасындағы жұмыссыздықпен күреске бағытталмақ.