Бүгін Балуан Шолақ атындағы спорт сарайында өтіп жатқан спорттық жекпе-жек және күш қолданатын спорт түрлері конфедерациясы кубогының жартылай финалына іріктеу ойындарында таеквондодан (WTF) бірлескен командалық жарыстар аяқталды.
Жарыс қорытындысы бойынша Оңтүстік Қазақстан облысының командасы Алматы қаласының командасын 51-50 ұпай санымен жеңіп, финалға өтті.
Батыс Қазақстан мен Жамбыл облысы спортшылары арасындағы сайыста 36-41 ұпай санымен Жамбыл облысы таеквондошылары жеңіске жетті.
Еске сала кетейік, 3-4 желтоқсанда Алматыдағы Балуан Шолақ атындағы спорт сарайында спорттық жекпе-жек және күш қолданатын спорт түрлері конфедерациясы кубогының жартылай финал және финалдық кезеңі өтеді.