Қытайда шахтада болған жарылыстан 21 адам қаза тапты

Қытайдың Хэйлунцзян провинциясы Цитайхэ қаласындағы көмір шахтасында жарылыс болып, 21 адам қаза тапты, деп хабарлайды «Синьхуа» агенттігі. Құтқарушылар 21 шахтердің денесін қирандылар астынан алып шықты, қазіргі уақытта бір адам іздестурілуде. Жергілікті БАҚ өкілдері шахтаның лицензиясы болмағанын хабарлайды. Қытай әлемдегі ең ірі көмір өндіруші ел саналады және ондағы шахталарда төтенше жағдайлар жиі болып тұрады. Мәселен, биылғы қараша айында Қытайдың оңтүстік-батысындағы Чунцина қаласы маңында орналасқан кен орнында жарылыс болып, 33 шахтер қаза тапты. Ал қыркүйек айында Нинся-Хуэй автономды ауданындағы шахтада болған жарылыстан 18 адам ажал құшты. «Франс Пресс» агенттігінің ақпарынша, ресми мәліметтерге сәйкес Қытай шахталарында жыл сайын шамамен мың адам қаза болады. Дегенмен, жергілікті үкімет соңғы жылдары бұл көрсеткіштің айтарлықтай төмендегенін мәлімдеді.