«Барселона» мен «Реал» тең түсті (видео)

Төрткүл дүние көз тіккен «Барселона» мен «Реал» арасындағы кездесу 1:1 есебімен аяқталды. Испания чемпионатының 14-турындағы бұл кездесу әуе апатына ұшыраған  бразилиялық «Шапекоэнсе» командасын еске алумен басталды. Эль-Классиконың бірінші таймында бірқатар шабуылдар орын алғанмен, есеп ашылмады. Ал екінші 45 минутта жанкүйерлер нағыз тартысты ойынның куәсі болды. 53-минутта айып добынан Неймардың әуеле берген добын Луис Суарес қақпаға дәл бағыттап, алғашқы гол соқты. Алаң иелерінің бұдан кейін де гол соғатын мүмкіндіктері болған, алайда соңғы сәттерде сәттілік жетіспеді. Есесіне кездесудің соңғы минутында корольдік клубтың капитаны Серхио Рамос басымен дәл соққы жасап, таразы басын теңестіріп кетті. Ла лига кестесінде «Реал» 34 ұпаймен көш бастап келеді.