Өзбекстанда президент сайлауы өтуде

Өзбекстанда президент сайлауында дауыс беруге арналған учаскелер ашылды, деп хабарлайды Gazeta.uz. Сайлауға төрт үміткер қатысуда - Өзбекстанның либеральдық-демократиялық партиясы атынан президент міндетін атқарушы Шавкат Мирзиеев, Халық -демократиялық партиясынан Хатамжон Кетмонов, социал-демократтардан Нариман Омаров және демократиялық партиядан Сарвар Отамуратов. Жаңа мемлекет басшысы бес жылдық мерзімге сайланады. Сайлаушылар тізіміне 20 млн-нан астам адам бар. Қазіргі уақытта 14 округтік сайлау комиссиясы ұйымдастырылып, 9 381 сайлау участкесі жасақталды. Сайлауда жеңіске жету үшін үміткер 50 пайыздан астам дауыс жинауы керек. Елде студенттер 1-5 желтоқсан аралығында сайлауға байланысты демалысқа жіберілді. Сонымен қатар Ташкентте сайлау күні қоғамдық көлікте жүру тегін болады. Автобус бағдарлары мен метрополитен жұмысы сайлау учаскелері ашылғанға дейін бір сағат бұрын, яғни сағат 05.00-де бастады. Бастапқы нәтижені ОСК 5 желтоқсанда жария етеді.