Қазақстан Республикасы Индустрия және жаңа технологиялар министрлігінің бұйрығы №313

2011 жылғы 7 қыркүйек,  Астана қаласы «Энергетикалық сараптаманы жүргізу ережесін бекіту туралы» Қазақстан Республикасы Энергетика және минералдық ресурстар министрі міндетін атқарушының 2004 жылғы  10 қыркүйектегі № 214 бұйрығына  өзгеріс енгізу туралы «Электр энергетикасы туралы» 2004 жылғы 9 шілдедегі Қазақстан Республикасы Заңның 5-бабы 10) тармақшасына сәйкес бұйырамын: 1. «Энергетикалық сараптаманы жүргізу ережесін бекіту туралы» Қазақстан Республикасы Энергетика және минералдық ресурстар министрі міндетін атқарушының 2004 жылғы 10 қыркүйектегі № 214 бұйрығына (Нормативтік құқықтық актілерді мемлекеттік тіркеу тізілімінде № 3089 болып тіркелген, Қазақстан Республикасының орталық атқарушы және өзге мемлекеттік органдарының нормативтік құқықтық актілерінің бюллетенінде 2004 жылғы № 41-44, 1035-құжатта жарияланған) мынадай өзгеріс енгізілсін: көрсетілген бұйрықпен бекітілген Энергетикалық сараптаманы жүргізу ережесінде: 4-тармақтың бірінші бөлігі алынып тасталсын. 2. Қазақстан Республикасы Индустрия және жаңа технологиялар министрлігінің Мемлекеттік энергетикалық қадағалау және бақылау комитеті (А. Тұрлубек) осы бұйрықтың одан әрі бұқаралық ақпарат құралдарында ресми жариялау арқылы Қазақстан Республикасы Әділет министрлігінде мемлекеттік тіркелуін қамтамасыз етсін. 3. Осы бұйрықтың орындалуын бақылау вице-министр Б.М. Жақсалиевке жүктелсін. 4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының  Индустрия және жаңа технологиялар  министрінің міндетін атқарушы    Б. ЖАҚСАЛИЕВ. Бұйрық Қазақстан Республикасының Әділет министрлігінде 2011 жылғы 22 қыркүйекте Нормативтік құқықтық кесімдерді мемлекеттік тіркеудің тізіліміне № 7195 болып енгізілді.