Парламент Мәжілісінің Халықаралық істер, қорғаныс және қауіпсіздік комитетінің төрағасы Әмзебек Жолшыбеков алдағы аптада өтетін халықаралық ғылыми-тәжірибелік конференцияның дайындығы жөнінде жұмыс тобының отырысын өткізді.
Отырыста аталған комитеттің хатшысы Виктор Рогалев қандай іс-шаралар атқарылып жатқанын баяндап берді. Мәжіліс Аппаратының салалық бөлімдеріне конференцияны ұйымдастыруға қатысты бірқатар міндеттер жүктелді.
Қазақстан Парламентінің ұйымдастыруымен 29 қыркүйекте болатын «Жаңа әлемдегі жаңа Қазақстан: Тәуелсіздікке 20 жыл» атты халықаралық ғылыми-тәжірибелік конференцияға шетелден бірқатар парламентшілер, ғалымдар мен сарапшылар шақырылған.
«Қазақстан мемлекетінің 20 жылдағы өркендеу жолы, қол жеткізген табыстары жария етілетін алқалы басқосуды жоғары деңгейде өткізу – баршамыздың абыройлы міндетіміз», – деді Әмзебек Жолшыбеков, деп хабарлады осы палатаның баспасөз қызметі.