Ынтымақтастық жайы қозғалды

Мәжіліс депутаттары Серік Темірболатов, Светлана Ферхо және Дауылбай Құсайынов Венгрия Республикасынан кел­ген делегациямен жүздесті, деп хабарлады осы пала­таның баспасөз қызметі. Мәжіліс депутаты, «Вен­грия-Қазақстан» ынтымақ­тас­тығы тобының жетекшісі С.Темірболатов меймандарға мем­ле­кетіміздің ішкі және сыртқы саясаттағы ұстанымы, Парла­менттің құрылымы туралы ай­тып өтті. Ол қос мемлекет ара­сында достық байланыс орна­ғанын, соның нәтижесінде сау­да-экономикалық қарым-қаты­нас өріс алып келе жатқанын жеткізді. Аграрлық саламен ай­налысатын екі ел үшін де ауыл шаруашылығын дамыту мәсе­лесі өте маңызды. Венгрия Ауыл шаруашы­лығы және аймақтарды дамы­ту министрі, «Венгрия-Қазақ­стан» ынтымақтастығы тобы­ның жетекшісі Др.Шандор Фазекаш өз елінің тәжіри­бе­лерімен бөлісті. Тараптар сұхбат барысында мәдени-гуманитарлық сала бой­ынша байланыс жасау жайын да сөз етті. Сондай-ақ Еуропа төрі­не барып қоныс тепкен қып­шақ­тар жайлы, олардың салт-дәс­түрі жөнінде де әңгіме өрбіді. Мейман парламентшілерді өз еліне, оның ішінде қыпш­ақт­ар­дың ұрпағы тұратын аудан­дар­ды келіп көруге шақырды. Мә­жі­ліс депутаттары бұл шақыру­ға ризашылықтарын білдірді. Кездесуге Венгрия Ауыл ша­руашылығы және аймақ­тарды дамыту министрінің орын­ба­сары – осы елдің Мемлекеттік хатшысы Имре Фаркаш, сон­дай-ақ Венгрияның Қазақ­стандағы Төтенше және өкілетті елшісі Имре Ласлоцки қатысты. Суретті түсірген  Сайлыбай МАЙЛЫБАЕВ.