«Жасыл энергетика» саласындағы алғашқы пилоттық жоба Маңғыстау ауданының Шетпе селосында орналаспақ. 2018 жылдың алғашқы тоқсанында қолданысқа беріледі делінген жобаны жүзеге асыру барысында 70-80 жергілікті тұрғын жұмыспен қамтылады, ал жоба іске қосылған кезде стансада жұмыс жасау үшін 50 маңғыстаулық тұрғынды арнайы оқыту көзделуде. Жобаға Қазақстан, Франция және қытай елдері атсалысады.
«Француздық компания технологиялық жағына жауап берсе, қытайлықтар құрылыс пен инвестициға қатысады. Жобаның бірінші кезеңін салу 20 млн. доллар деп бағалануда. Күн электр стансасы үшін Маңғыстау өңірі тектен-текке таңдалып отырған жоқ. Біріншіден, аймақ белсенді дамуда, екіншіден, мұнда күн сәулесі мол. Қыста қар қалың болмайды. Бұл -даму болашағы зор, әрі қажетті пилоттық жоба», – деді француздық «ЕСМ Technologies» компаниясы президентінің кеңесшісі Азат Бетекбаев.
Гүлайым Шынтемірқызы,
«Егемен Қазақстан».
АҚТАУ.
