Шара барысында Мемлекет басшысының «Болашаққа бағдар: рухани жаңғыру» атты мақаласының маңызды тармақтары, атап айтқанда, XXI ғасырдағы ұлттық сана туралы және таяу жылдардағы міндеттер, оның ішінде қазақ жаз-
уын біртіндеп латын әліпбиіне көшіру жұмыстары, қоғамдық және гуманитарлық ғылымдар жобасы туралы өзекті мәселелер талқыланды. Келесі бір мәселе діни саладағы жаңғырудың рухани жаңғырумен астасуы төңірегінде өрбіді. Осыған байланысты институттың дінтану бөлімінің меңгерушісі Бақытжан Сатершинов «Қазақстандық сананың жаңғыруы: діни сана қырлары» тақырыбында, Нұр Мүбарак Египет Ислам мәдениеті университетінің PҺD докторы Асқар Әкімханов «Рухани жаңғырудағы ханафи-матруди мектебінің маңызы» тақырыбында баяндама жасап, өз ойларын ортаға салды. Жат ағымдардың жетегінде кетпей, бабаларымыздан мирас болып келе жатқан дәстүрлі дінімізді тереңінен түсініп, қоғамдағы бірлік пен біртұтастықты сақтаудың өзектілігі айтылды.
– Қазақ халқы ислам дінін өзінің ежелден қалыптасқан салт-санасымен, озық дәстүрімен үйлестіре, сабақтастыра отырып қабылдады. Сол арқылы бәзбір ұлттар секілді өзіндік ұлттық болмысы мен төл мәдениетінен айы-
рылып қалған жоқ. Дәсүрлі ислам сан ғасырлар бойы бабаларымыз ұстанып келе жатқан дін мен дәстүрдің сабақтастығынан туындаған дүние. Қазақстан мұсылмандары діни басқармасы, Қазақстан мұсылмандары ұстанатын Ханафи-матруди мектебі қазақтың дәстүрлі діни дүниетанымының негізгі мәйегі болып табылады. Матруди ілімі адамның табиғатын, болмыс-бітімін, ақыл-ой психологиясы мен ерік қалауын негізге алады. Елбасымыз айтқан рухани жаңғыру ұлттық рухани болмыс-пен және сенім-наныммен астасып жатыр. Сондықтан, жастарымызға дұрыс тәрбие беріп, халқымыздың ұлттық құндылықтары мен мәдени дәстүрін құрметтеуге бағыттауымыз керек, – дейді дінтанушы Асқар Әкімханов.
– Қандай дін біздің рухани жаңғыруымызға көмектеседі деген кезде бүкіл Орталық Азия елдері ұстанатын бабаларымыздан келе жатқан ханафи бағытының жасампаз қырлары анықталады. Демократиялық қоғамда әр азаматтың наным-сенім таңдау еркі өзінде. Дегенмен, қоғамдағы бірлік пен тыныштық ең бірінші қағида, негізгі іргетас. Әркім ойына келгенін істеп, экстремизм мен терроризмге бара беретін болса, алға дами алмаймыз. Бүгін талқыланған өткір мәселенің барлығы жүзеге асу үшін зиялы қа-
уым өзінің ішкі әлеуетін көрсете білуі керек – дейді философия ғылымдарының докторы, профессор Серік Ермұратов.
Жиын барысында рухани жаңғыру бағыты бойынша өзге де мәйекті мәселелер кең көлемде талданып, Елбасы мақаласында айтылған әр тақырып болашаққа тың серпін беретін маңызды құжат екені айтылды.
Арман ОКТЯБРЬ,
«Егемен Қазақстан»
АЛМАТЫ
