Театрлар байқауы өтуде

Алматыда 26-30 қыр­күйек аралығында Қазақ­стан Рес­пуб­­ли­касы Тәуел­сіздігінің 20 жыл­дығына ар­налған ХІХ респуб­ли­­калық театрлар фестивалі өтуде. Фестивальге Тәуелсіздіктің тарихи маңызын көрсететін соңғы екі-үш театрлық мау­сым­­да сахналанған үздік қо­йы­­лым­дарымен еліміздің бір­қатар театрлары қатысып отыр. Фестивальдің  мақсаты – отан­­дық театрлардың репер­туарын қалыптастыру, заманауи сахна­лық үрдісті нығайту мен дамыту, сон­дай-ақ театр ұжымдарының шы­ғарма­шы­лық ізденістерін ын­талан­ды­ру, театр­­лар­дың ре­пер­туарын жо­ғары көр­кемдік дең­гей­дегі қойы­лымдар­мен то­лықтыру. Ғ.Мүсірепов атындағы Қа­зақ мемлекеттік академиялық балалар мен жасөспірімдер театрын­да өтіп жатқан фести­вальдің ал­ғаш­қы күндері жұрт­­шылыққа Ас­тана қаласының Жастар театры «Меккеге қарай ұзақ жол» қойылымын ұсынған болса, Қ.Қожамияров атын­дағы рес­публикалық ұйғыр музыка­лық комедия театры «Гүл­дәстә», М.Лермонтов атын­да­ғы мемлекеттік академиялық орыс драма театры «Көктөбе­дегі кездесу» спектакльдерін ұсынды. Бір айта кететін жайт, осы фестиваль аясында Санкт-Пе­тер­бург мемлекеттік театр өне­рі ака­­демиясының аға оқыту­шысы, актер шеберлігі жөнін­дегі ха­лық­­­ара­лық деңгейдегі маман, XIХ республикалық театрлар фес­тивалі қазылар алқа­сының мү­шесі Е.Кузина актерлер мен режиссерлерге арнал­ған шеберлік саба­ғын өткізсе, 30 қыр­күйек­те фес­тиваль­дің сал­танат­ты жа­былуы­нда қазы­лар алқасы бір­қатар номинациялар бойын­ша же­ңім­паз­дарды ма­ра­пат­тамақ. «Егемен-ақпарат».