Алаңда құрылған киіз үй де келушілерді ыстық ықыласпен қарсы алуда. Өкіл имам барша жұртты Айт мерекесімен құттықтап:
«Ардақты ағайын. Мінекей, мейірімі шексіз Алланың қалауымен қасиетті Рамазан айын өткердік, ұлық мереке – Ораза айтына да жеттік. Сіздерді шын жүректен осы бір ерекше күнмен құттықтаймын. Бұл иісі мұсылман жұрты үшін құрметті болған, қадірлі һәм қасиетті мейрам. Бүгінгі шара – сіздердің, халықтың осы мерекені шынайы, көңілді старт, викторина, өлең-сезініп, ықыласпен тойлатып, дүбірлетіп, мәз-мейрам, шат-шадыман күйде өткізсін деген ниетпен жасалып отыр. Мерекелеріңіз мүбәрак болғай,- деді.
Ал, жастар арасына дәстүрлі қазақ күресі, арқан тарту, қол күрестіру, гир көтеру қатарлы ұйымдастырылса, жасөспірімдер мен балдырғандар арасына мешіт ұстаздары Құран жарысы, көңілді старт, викторина, өлең-тақпақтар мәнерлеп оқу, тоғызқұмалақ қатарлы әртүрлі ұлттық ойындар, ән-күй төгілді. Балаларға ойыншықтар, кітаптар тегін сыйға берілді. Бұл күні «Барыңмен бөліс!» қайырымдылық қызметі де демеушілер арқылы 30 отбасына азық-түлікпен, әртүрлі мұқтаждыққа тап болған 8 адамға ақшалай көмек көрсетіп, шалғайдағы екі ауылға халықтан жиналған киім-кешектерді машинамен жеткізіп те берді. Шара соңында мешіт ауласында 18 қазан палау, 5 мың литр минералды су және 5 мың бөлке ақ наннан жиналған қауым дәм татып, «Ораза қабыл болсын!», «Айт құтты болсын!» деп бірін-бірі құттықтады.
Фарида Бықай
«Егемен Қазақстан»
Павлодар.
Суретті түсірген Амантай Тойшыбай
