Қауіпсіздік шаралары қаперден шықпауы тиіс

Су айдындарында демалыс алдында міндетті түрде судағы жүріс-тұрыс қағидасын зерделеу қажет. Бүгінгі күні адамдар барлық қағидаларды сақ­тамайтынын атап өткен жөн. Көбінесе, ата-аналар қау­іп­ке баға бермей, балаларын тиісті нұсқаулықсыз, қараусыз жі­беріп жатады. 2017 жылғы 23 мау­сымдағы жағдай бойын­ша су­ға шомылу маусымы бас­тал­ға­лы бері еліміздің су ай­дын­да­рында 56 адам, оның ішінде 31 бала суға кетіп, көз жұм­ға­нын атап өткен жөн. Барлық қай­ғылы оқиға суға шомылуға рұқ­сат етілмеген орындарда бо­лып жатады. 
Суға шомылу маусымы кезе­ңіне жедел-құтқару жасақ­та­рының құтқару бөлімшелері же­ке құрамынан 1 300-ден ас­там құтқарушы, 300-ден астам автомобиль және құтқару техникасы, 400-ден астам жүзу құралы, 1 500-ден астам сүңгуір жабдықтары мен жа­рақтары жоғары әзірлікке кел­­тірілді. Жабдықталмаған және тыйым са­лынған орындарда жедел-құт­қару жасақтарының 50-ден астам көш­пелі мобильді құт­қару бекетінің жұ­мысы ұйым­дас­тырылды. 400-ден аса қоғамдық (объектілік) құтқарушы дайын­дықтан өтті, жағажайлардағы жал­пылама де­малыс орындарында 120-дан ас­там құтқару бекеті құрылды. 
Жалпы, қабылданған шаралар биыл суға кету­ші­лер­дің санын шамамен 50%-ға, оның ішінде суға кетіп жатқан ба­лалардың санын 20%-дан ас­там азайтуға мүмкіндік бер­ді.
Халықтың су айдын­да­рын­дағы қауіпсіздік қағи­да­ла­ры­ның талаптарын сақтауы аса ма­ңызды. Мәселен, алкоголь жә­не есірткіден мас болған күйі­нде суға түсуге және шо­мы­луға, суға қайықтардан, ка­тер­лерден, айлақтардан се­кі­ру­ге, тексерілмеген және жаб­­дық­талмаған орындарда сүң­­гу­ге, жүзу шегінен аспау үшін қой­ыл­ған бел­гілерден асу­ға, техникалық жә­не ескерту бел­гілерін асып жүзуге, ба­ла­­лар­дың ересек адамдар­сыз суға шомылуына тыйым салынады. 
Әрбір адам суға шо­мыл­ға­лы жат­қан су айдын­дар­дың қау­іп­­­­­ті жерлері мен ерек­ше­ліктерін білуі тиіс, себебі, жаб­дықталмаған орындарда батып кеткен діңгектер, темір, шыны және тағы басқа заттар болуы мүмкін. Жақын жерде жүзіп бара жатқан катерлерге, кемелерге және моторлы қайықтарға жақын жүзіп бару аса қауіпті. 
Ұзақ уақыт бойы суға шо­мы­­лу да адамдардың ден­сау­­­лығына қауіпті. Суға шо­мы­­­лу ұзақ­тығы негізінен ауа тем­­пе­ратурасына, суға және жел­дің күшіне байланыс­ты екенін атап өткен жөн. 
Руслан ИМАНҚҰЛОВ, 
ІІМ Төтенше жағдайлар комитетінің ресми өкілі