Францияны тамсандырған Алматы

Францияның Ренн қала­сын­да Алматы қаласының мә­де­ниет күн­дері болып өтті. Қалалық «Morpa» саябағы­нан Алматы аллеясы ашы­­лып, онда әйгілі қазақ апор­ты­­ның өскіндері отырғызылды. Әсем Алматының атын иелен­ген аллеяның салтанатты ашылу рәсіміне Алматы қаласы әкімінің орынбасары Серік Сейдуманов, Қа­зақстан Республи­касының Фран­ция мемлекетіндегі Төтенше және өкілетті елшісі Нұрлан Дәненов, Ренн қаласының мэрі Дэнил Де Лаво, вице-мэр Розелин Ле Франсуа ханым және бауырлас қатынас­тар комитетінің төрағасы Тьерри Либрих мырзалар қатысты. Осы шара аясында Реннің Shambres Liberte кешенінде қазақ ұлттық қолөнер туындыларының көрмесі мен жәрмеңкесі өткізілді. Көрермендерді әсіресе қазақтың киіз басу, саз балшықтан ыдыс жасау, алаша тігу және ши тоқу секілді ұлттық өнері ерекше баурады. Француз жеріндегі Алматы мә­де­ниетінің күндері «Сазген сазы» фольклорлық-этнография­лық ансамблі мен «Арнау» ан­самблі­нің және Қазақстанның еңбек сіңірген әртісі Айгүл Қосанова, Абай атын­дағы опера және балет театрының солистері Альфия Кәрімова мен Меде­т Шотабаевтардың қатысуы­мен өт­кен гала-концертпен аяқтал­ды. Shambres Liberte кешенінің сах­насы­нан Құрманғазы мен Нұр­ғиса­ның, сон­дай-ақ француздың әйгілі ком­по­зиторларының күйлері шашу боп төгілді. Қанат ЕСКЕНДІР, Алматы.