Қайғылы оқиға анықталуда

Еліміздің Сыртқы істер министрлігі үстіміздегі жыл­дың 1 қазанында Австра­лия­ның Брисбен қаласында қаза болған Са­ғынай Ба­тыр­ха­но­ва­ның отба­сы­ның қайғы­ла­ры­на ортақ. Бұл жө­нін­де осы ведомствоның ресми өкілі Асқар Абдрахманов кеше бұ­қаралық ақпарат құ­рал­дары өкілдеріне арнайы брифинг өткі­зіп, осы мә­селенің мән-жайын айтып берді. 1989 жылы туған Са­ғы­най Ба­тырханова Гриффит универ­си­те­тінің 1-ші кур­сын­да оқығаны белгілі бо­лып отыр. Қазақстан азамат­шасын пышақтап өлтірді деген күдікті полиция тара­пы­нан тұтқындалып, ол өзінің кі­нәсын мойындағанға ұқ­сай­ды. Үстіміз­дегі жылдың 3 қазанында айып­тыға қарсы қылмыстық істі тың­дау орын алған. Сот С.Ба­тыр­хановамен бірге тұрып келген Таиланд азаматты­ғын­дағы кү­діктіні тергеу амалдары бары­сында оны кем дегенде 5 жел­тоқ­санға дейін қамауға алу туралы үкім шығарған. Осы орайда полиция бірге тұрып жатқандарға отбасындағы зор­лық-зом­бы­лық жасау оқиға­сы­на байла­ныс­ты ескерту де жасаған көрінеді. От­басын­да­ғы жанжал осындай қай­ғы­лы оқиғаға душар етіп отыр. Сағынай Батырханова мен айыптының ортақ үш айлық нә­ресте ұлы бар болса, қазір ол Австралияның әлеуметтік қыз­ме­тінің қам­қор­лығына алынған. Ресми өкіл осы ретте Қазақ­стан­ның Сыртқы істер министрлігі және мемлекетімізге Австралияда қосымша түрде өкіл­дік ететін Сингапурдағы елшілігіміз полициямен ұдайы байланыста екендігін жеткізді. Сондай-ақ елшілік прак­ти­калық және құқықтық ша­раларды атқаруда. Отандас­тары­мыздың мүдделерін қор­ғау мақ­сатында Қазақ­стан консулы 3 қа­занда Ав­стралияға барып, бір­қа­тар мәселелерді шешумен, соның ішінде Сағынай Батыр­ха­но­ва­ның мәйі­тін Отанына жіберу, азамат­тық­ некеде туыл­ған сәбидің құ­қық­тық мәрте­бесін анықтау мә­се­лелерімен айналысуда, деді Асқар Абдрахманов. Сондай-ақ, елі­міздің сыртқы саясат ведом­ство­сы Австралияның Қа­зақ­стан­да қосымша тіркелген Мәс­кеу­дегі елшілігіне осы іске то­лық­қанды тергеу жүргізу және қаза болған аза­матшамыздың туыс­қан­дары­ның құқықтарын қор­­ғау­да қажетті қолғабыс көрсету туралы дипломатиялық нота жіберген. «Егемен-ақпарат».