Көмегі көп көрме

Кеше Астанада «Көрме» көр­ме­лер кешенінде VIII халық­ара­лық «ҚазАвтоЖол-2011. Жаб­дық­тар, құрылыс және жол кешенінің сервистік индустриясы» көрмесі өз жұмысын бастады. Көрменің ашылу салтанатына Көлік және коммуникация министрі Берік Камалиев қатысты. Көрменің жұмысын аша оты­рып, министр қазіргі таңда ел экономикасының индустриялық-инновациялық дамуына ерекше назар аударылып отырғандығын атап өтті. Көлік дәліздерін да­мы­ту, мемлекеттің транзиттік әлеуе­тін іске асыру мәселелері бірінші кезектегі міндеттер болып табыла­ды. Оған дәлел ретінде қазіргі уа­қытта еліміз автожолы саласын­да­ғы бұрын-соңды болмаған серпілісті келтіруге болады. Қарқынды дамып келе жатқан экономиканың бұл саласына жаңа технологиялар, инновациялық зерттеулер қажет, деді ведомство басшысы. «Қазавтожол» көрмесі алдың­ғы қатарлы компаниялардың тех­но­ло­гияларымен танысу, тәжі­ри­белер ал­масу және ынты­мақтас­тық­ты ор­нату үшін мүмкіндік ту­ғызатын келіссөздер алаңы бол­мақ. Өйткені бұған тек ТМД елдері ғана емес, алыс шетел өкілдері де қатысуда. Биылғы жылғы көрмеге жетпіске жуық компаниялар өз өнім­дері мен қызмет түрлерін ұсынса, шара аясында жекелеген компа­ния­лардың семинар өткізуі жос­пар­ланған. Онда олар өз өнімдері мен қызмет түрлерін кеңінен таныстыруға мүмкіндік алмақ. Әбдірахман ҚЫДЫРБЕК, Суреттерді түсірген Орынбай БАЛМҰРАТ.