06 Қазан, 2011

Саланы өркендету жайы қаралды

161 рет көрсетілді
Кеше Парламент Сена­ты­ның Экономикалық және өңір­лік саясат комитетінің де­путаттары Байланыс және ақ­парат министрі Асқар Жұ­ма­ғалиевпен және «Қазақ­те­леком» акционерлік қоғамы басқармасының төрағасы Қуа­нышбек Есекеевпен кездесіп, ауылдық жерлерді телефонмен қамту және ұялы байланысты дамыту мәсе­лелерін талқылады. Кездесуге палата Төраға­сы­ның орынбасары Александр Судьин қатысты. Комитет төрағасы Нұрлығайым Жолдасбаева басқо­су­ды аша келіп, индустриялық-инновациялық даму бағдарлама­сын және Қазақстан Республика­сының 2020 жылға дейін стра­те­гиялық даму жоспарын іске асы­ру аясында өтіп отырған талқы­лаудың маңыздылығын атап өтті. Сенатор сондай-ақ экономи­ка­ны жаңғырту және инновациялық жаңалықтарды игеру ақпараттық технологияларды пайдалануға, оны мемлекеттік қызмет көрсету салаларында, жұртшылыққа қол жеткізу мүмкіндігін арттыруға тікелей байланысты екенін атап өтті. Саланы реттеу мақсатында біз­дің елімізде құқықтық негіз жа­салып, «Электрондық құжат және электрондық цифрлық қол­таңба туралы», «Пошта туралы», «Байланыс туралы», «Ақпарат­тан­дыру туралы» заңдар қа­былданды. Ақпараттық коммуникция тех­нологияларының ұлттық сек­то­рын қалыптастыру мәселелері ақпараттық және коммуникция технологияларын дамытудың таяу жылдарға арналған салалық бағдарламасында көрсетілген. Сан­­дық теледидар серігі ұшырылды, ұялы телефонның үшінші 3G стандарты енгізілуде, ауылдық жерлерде кең жолақты интернет желісін дамыту жобасын іске асы­руға әзірлік жасалуда, элек­трон­дық үкімет порталы арқылы электрондық анықтама беріле бастады. «Сонымен бірге, салада кезек күттірмей шешуді қажет ететін бірқатар өткір мәселелер бар», – деді Н.Жолдасбаева және ол талқылау барысында «Телерадио хабарларын тарату туралы» заң жобасының тұжырымдамасы бой­ынша ұсыныстар айтылаты­нына жә­не Ақпараттық және ком­муни­кациялық технологияларды дамыту бағдарламасын жүзеге асыруға орай жауап берілетініне сенім білдірді. Осыған байланысты сенатор ауылдық жерлерді телефонмен қам­туға, баға тарифтеріне, интернетке қосуды арзандатуға, ауыл­дық жерлерде сандық теле­ра­дио­хабарла­рына қол жеткізуге, элек­трон­дық үкіметті енгізу мәселе­леріне назар аударды. Талқылау барысында сөз ал­ған Экономикалық даму және өңірлік саясат комитетінің мүше­сі А.Күзе­ков Қазақстан Респуб­ли­касындағы ақпараттық-комму­ни­кациялық кешенді дамытуға орай бірқатар ұсы­ныстар айтты. Байланыс және ақпарат министрі А.Жұмағалиев еліміздегі телекоммуникация саласын дамыту жөніндегі мекеме қызметі туралы кездесуге қатысушыларды хабардар етті. Кездесуде сондай-ақ «Қазақ­те­леком» АҚ басқарма басшысы Қ.Есекеевтің ауылдық жерлердегі байланыстың қазіргі жағдайы мен келешегі туралы, Қаржы ми­нис­трінің орынбасары Б.Шол­пан­құловтың жалпыға бірдей қыз­мет көрсетуді субсидиялау туралы ақпа­раттары тыңдалды. Талқылауды қорытындылай келіп, комитет төрағасы ұялы бай­ланыс рыногындағы бәсе­ке­лес­тікті кеңейту, әлеуметтік жо­ба­ларды, жаңа байланыс желі­сі­нің құрылы­сы, қазіргі байланыс оператор­ларына қол жеткізуді қамтамасыз ету туралы бірқатар ұсыныстар айтты, деп хабарлады Парламент Сенатының баспасөз қызметі. Асқар ТҰРАПБАЙҰЛЫ.
Соңғы жаңалықтар

Техникалық реттеудің цифрлы тетігі

Технология • Бүгін, 08:34

Ғарыштан анықталған қоқыстар

Экология • Бүгін, 08:24

Вирус жұқтыру тоқтамай тұр

Коронавирус • Бүгін, 08:16

Өрт сөндірген өжеттер

Аймақтар • Бүгін, 08:12

Ерлікке бергісіз еңбек

Қоғам • Бүгін, 08:09

Жасанды жүрек салынды

Әлем • Бүгін, 08:02

Шаманың әні

Өнер • Кеше

Сотталған жырлар

Әдебиет • Кеше

9 ай «толғатқан» 9 пайыз

Экономика • Кеше

Ұқсас жаңалықтар