07 Қазан, 2011

Жүлде қол созым жерде

179 рет көрсетілді
Бокстан ұлттық құраманың қоржыны тағы үш жолдамамен толыққан еді. Данабек Сужанов пен Әділбек Ниязым­бетовтен кейін Ғани Жайлауов, Серік Сәпиев пен Василий Левит Олимпиада жолдамасын алды. Ал Иван Дычко біздің жігіттердің ежелгі қарсыласы қытай Жан Жилейді жеңгенімен, аса ауыр салмақтағы лицензияны хорват Филипп Хрговичпен сарапқа салды. Қазір біздің құрама биылғы мамыр айында 57 килода жолдама алған Қанат Әбутәліповтен басқа тағы бес лицензияға ие болып отыр. Өкінішке қарай, Баку рингінде ең жеңіл салмақтағы Біржан Жақып, 52 килодағы Ол­жас Сәттібай мен 64 кило сал­мақ­тағы Данияр Елеусінов лицензия ала алмады. Бұл жігіт­тері­міздің Лондонға баруға әлі мүмкін­дік­тері бар. Оларға келесі жылдың сәуір айында Астанада Президент жүлдесі үшін өтетін халық­аралық турнирде Олимпиада жол­дамасын жеңіп алуға тағы бір мүмкіндік беріледі. Бұрнағы күнгі түскі бағ­дар­ламада лицензия алған жігіт­теріміздің бәрі ширек фи­нал­дағы кездесулерін өткізді. Біз­дің құра­мада бірінші болып 75 ки­ло­дағы Сужанов бра­зи­лиялық Эс­гуива Фалькаомен, 81 кило сал­мақ­тағы Ниязымбетов қытай Фанлон Менмен, 91 килода Левит тағы бір қы­тайлық Уануан Уан­мен кездесті. Осы жекпе-жек­тер­де Ниязым­бетов қана қарсы­ласын жеңіп, жартылай финалға шықты. Кез­десудің үшінші раундында қазақ боксшысының соққыларына шы­да­маған қытайлық бапкерлер жекпе-жекті уақытынан бұрын тоқ­татуға мәжбүр болды. Осы айқас­тан соң Әділбекпен аз-кем сөй­лескен едік. «Қытай маған аса қатты қарсылық көрсете алмады. Өзімнің жеңетінімді іштей сезіп жүрдім. Енді келесі қарсыласыма дайындаламын. Оған қандай тактика ұстану керектігін бапкерлермен ақылдасамыз», деді. Ниязым­бетовтің биылғы бәсекеге жақсы дайындалып келгені көрініп тұр. Бірақ, бір саусағын бүгіп жүрген боксшылар мен бапкерлердің бар екенін де ұмытпайық. Кеше со­ның үшеуі Әділбекпен бірге жартылай финалға шықты. Біздің боксшы бүгін солардың ішіндегі өзбек Эльшод Расуловпен кездеседі. Ал ресейлік Егор Мехонцев финалға шығу үшін кубалық Хулио Ла Крузбен айқасады. Ресейлік әлем чемпионы украиналық Александр Гвоздикті жеңді. Ал Сужанов пен Левит қар­сы­ластарынан жеңіліп қалды. Осы жерде алғашқысы брази­лия­лық­тан таза жеңілсе, Левитті жеңілді деп айта алмасақ керек. Сужанов­тың қарсыласы одан бар­лық жа­ғы­нан басым бол­ды. Өзі рингте шапшаң қимыл­дай­тын, соққы­лары қатты бокс­шы екен. Өске­мен өренінің биыл­ғы әлем чем­пионатына ал­ғаш рет қатыс­қанын айтқанбыз. Осы сын­да ол мүм­кін­дігінше өзін барлық жақ­сы жа­ғынан көр­сете білді. Енді Олим­пиадаға шың­далып, тың күшімен барса жақсы. Жа­рыс кезінде біз өзге ел­дің бап­кер­лерінің Сужанов ту­ра­лы жақсы пікір білдіргендерін талай рет естідік. «Бұл бокс­шы­ның болашағы бар. Бір жылдың ішінде шың­да­лып, Олимпиадада лайықты өнер көрсетеді», деген еді. Данабек қана емес, Дычко мен Сәпиев туралы да олар жақ­сы пікірде екен. Мәселен, Дыч­ко­ны украин бапкерлері бола­­шақ Олимпиада чемпионы деп отыр. Ал Сәпиевтің биыл үшін­ші мәрте әлем чемпионы атанаты­ны­на сенімдіміз. Бір өкі­ніш­тісі, Су­жановтың салма­ғын­дағы біздің талантты был­ғары қол­ғап шеберіміз Қанат Ислам­ның Олим­пиа­даға жолдама ал­майтыны жа­ны­мызға батады. Талантты бокс­шы­мыздың қазір Халықаралық олим­пиялық коми­тет­тің шешіміне қарап жатқан жайы бар. Қытай елі боксшы­мыз­дың еліміз атынан Олимпиадаға қатысу үшін әлі уа­қыт өту керек деп отыр. Бірақ, осы уақыт өтсе, Қанаттың салмақ қуса да Лондон Олимпиадасына бара алмайтыны сөзсіз. Биылғы әлем чемпионаты ал­ғаш­қы лицензиялық жарыс бол­ған соң, барлық елдердің Олим­пиа­даға жолдаманы уыстап әкет­кісі келетіні түсінікті. Қазір жа­рысты өз алаңында өткізіп жат­қан Әзер­бай­жан сияқты елдерге жолдама керек болса, ең мықты деген Ресей, Куба елдері алды­мен жүлде алумен бас ауыртуда. Бірақ, жолдама мен жүлде бәрі бірдей бұйырмайтыны белгілі. Осы чемпионатта Ресей мен Куба елдерінің бірнеше жақсы бокс­шылары жарысты ерте аяқ­тады. Ал сейсенбі күні 60 килода айқасқан украиналық Олимпиада, әлем және Еуропа чемпионы, Вэл Баркер Кубогының иегері Василь Ломаченко да жарыстан шыға жаздады. Сол күні ол бра­зилиялық Робсон Консейсаомен кездескен болатын. Сонда Лома­чен­коның таза жеңіске жеткеніне қарамастан, төрешілер жеңісті ла­тынамери­ка­лық боксшы­ның пай­­­дасына шешкен еді. Осыған бай­ла­нысты Украина құрамасы Ха­лық­аралық әуес­қой бокс қауым­­дас­ты­ғына шағым­да­нып, Ло­ма­чен­коны рингке қай­тарып алды. Украин боксшысы брази­лия­лықпен кездесуде таза же­ңіс­­ке жетті. Со­ны ескермей, төре­ші­лер­­дің же­ңіс­ті бірден брази­лия­лы­ққа беріп жібергені барлық жанкүйердің жанына батты. Кеше кешкісін шаршы алаң­ға қайта орал­ған Ломаченко төрешілердің сол әді­лет­сіздігіне жауап қайтар­ды. Өзбек Фазилддин Гаибназаровпен кездесуде қарсы­ла­сының екі аяғын бір етікке тықты. Дастан КЕНЖАЛИН –  Бакуден. Бет қатталып жатқанда: Ғани Жайлауов, Серік Сәпиев пен Иван Дычко жартылай финалға шықты. Алдыңғылары секілді соңғысы да Олим­пиадаға жолдама алды. Суретті түсірген Виталий ГАРКУША.
Соңғы жаңалықтар

Сегізсай жауһарлары

Тарих • Бүгін, 09:58

Көз тартар көркем әлем

Өнер • Бүгін, 09:57

Жеке деректер желіге тарап кетті

Технология • Бүгін, 09:54

Жанашырлық жасау жолдары қарастырылды

Тәуелсіздіктің 30 жылдығы • Бүгін, 09:53

Орманды ойсыратып алмайық

Экология • Бүгін, 09:51

Жасыл белдеу жайқала түседі

Экология • Бүгін, 09:48

Ерінбегеннің табысы еселенеді

Аймақтар • Бүгін, 09:38

Бауырым бауырымнан қымбат емес

Коронавирус • Бүгін, 09:36

Індеттен сақтанудың ұтымды жолы

Коронавирус • Бүгін, 09:34

Жансақтау бөлімінде орын жоқ

Коронавирус • Бүгін, 09:28

Досын құтқарған жас өрен

Қоғам • Бүгін, 09:26

Коронавирус: 2625 адам жазылып шықты

Коронавирус • Бүгін, 09:18

Жаңғыртуларға негіз қалайды

Саясат • Бүгін, 09:16

Белсенділік жоғары болды

Саясат • Бүгін, 09:14

Бәсекелестік бәсі басым

Саясат • Бүгін, 09:10

Тағы 6797 адам коронавирус жұқтырды

Коронавирус • Бүгін, 09:02

Ауыл тіршілігі жанданады

Саясат • Бүгін, 08:35

Ауқымды жобаның бастауы

Саясат • Бүгін, 08:28

Алтын сатып алу азаймайды

Қазақстан • Кеше

Ұқсас жаңалықтар