Сарытеректегі Мәдениет үйі

Зайсан ауданының әкімі Серік Зайнулдиннің бастамасымен Са­ры­терек ауылында «Туған жерге тағзым» акциясы бойынша кө­ңіл­ге шуақ ұялататын әдемі бір жи­ын болып өтті. Өңір басшысы Бер­дібек Сапарбаев өткен жылы Зай­санға келген сапарында кә­сіп­кер Талғат Дүйсенбаев кері қай­тар­ған Мәдениет үйін күрделі жөн­деуге 65 миллион теңге тауып берген. Сол қаржыға Мәдениет үйі жөн­де­ліп, 200 орындық клуб, 18 кабинеті бар емхана, әлеу­мет­тік дәріхана, тойхана, күрес бөл­месі, кітапхана, учаскелік инспектор, ауылдық әкім­дік үйі орна­ласты. С.Зайнулдин ауыл тұрғынд­а­рын құттықтап, соңынан үш қа­лам­герге – Әмина Сақажанова, Се­рік Құ­сан­баев, Бекен Жапа­ров­қа «Зайсан ау­данының құрметті азаматы» деген атақты табыс етті. Сарыт­е­рек­­тік­тер ән мен күйді тамашалап, об­лыс, аудан басшы­ла­рына алғысын айтты. Оңдасын ЕЛУБАЙ, Шығыс Қазақстан облысы.