Құрметті қонақты елорда әуежайында ҚР Инвестициялар және даму министрі Жеңіс Қасымбек пен ҚР Сыртқы істер министрінің орынбасары Роман Василенко күтіп алды.
Айта кетейік, ГФР президенті өзінің ресми сапары аясында Сауда-экономикалық ынтымақтастық бойынша Қазақстан-Германия жұмыс тобының 11-ші пленарлық отырысына қатысады. Сауда-экономикалық ынтымақтастық бойынша Қазақстан-Германия жұмыс тобының форматы 2007 жылдан бері жұмыс істеуде. Топ аясында сауда-экономикалық ынтымақтастық, инвестиция, энергетика, білім беру, денсаулық сақтау және тағы басқа салаларда өзара ықпалдастық жүзеге асырылады. Сондай-ақ, Қазақстан Президенті Нұрсұлтан Назарбаевпен кездесу жоспарланған.
