NTI-дің Қазақстан Президентіне сыйлығы

Осы жылдың 4 қазанында Вашингтон қаласында «Ядролық қатерді қысқарту бойынша бастама» (NTI) беделді америкалық қорының  құрылғанына 10 жыл толуымен ұштастырылған  сый­ақы­лармен марапаттау салтанат­ты рәсімі өтті. Қор жаппай қырып-жою қаруын қолданудың және тара­луы­ның тәуекелін азайту жо­лындағы ғаламдық қауіп­сіздікті өзіне мақсат етеді. Қордың наградаларымен ма­ра­патталғандардың арасында  Ав­стралияның, Ұлыбри­тания­ның, Германияның, Норве­гия­ның, Ресейдің, АҚШ пен Таяу Шығыстың бірқатар ірі мемлекет қайраткерлері бар. Марапатталушылардың бірінші қатарында Қазақстан Президенті Нұрсұлтан Назарбаевтың есі­мі аталды. Қордың негізін салушы АҚШ-тың бұрынғы се­наторы Сэм Нанн мен белгілі аме­рикалық бизнесмен және филантроп Тед Тернер өздерінің сөйлеген сөздерінде атап өт­кендей, NTI шешімі  Президент Н.Назарбаевтың ядролық қару­сыз­дану ісіне қосқан ауқымды үле­сін тану белгісі ретінде қа­былданған. Мемлекет басшы­сы­ның қызметіне қор «Ядролық қа­терді азайтуға үлгі болған тұң­ғыш жол салушының батыл көш­бас­шылығы үшін», деп өзінің жо­ға­ры бағасын тұжырымдап отыр. Қазақстанның АҚШ-тағы елшісі Ерлан Ыдырысов Президент Н.Назарбаевтың наградасын қа­был­дай отырып, өзінің жауап сө­зінде NTI-ді құрушы­лар­ды 10 жылдық мерейтой­лары­мен құт­тықтады және Қазақстан­ның NTI өзінің алдына осыдан 10 жыл бұрын қойған игілікті мақ­саттарды толық қолдайтындығын білдірді. Келесі аптада Астанада Президент Н.Назарбаевтың бас­та­масы бойынша NTI міндеттерімен үндес игілікті мақсаттар қоя­тын ядросыз әлем үшін ірі ха­лықаралық форум өтпекші.