Кеше «Егемен Қазақстан» республикалық газеті акционерлік қоғамының президенті Сауытбек Абдрахманов «Диалог Еуразия» платформасының Қазақстандағы үйлестірушісі, «ДА» журналының бас редакторы Салих Акчай мырзамен кездесті.
Қазақстанда 19 жыл бойы қызмет еткен Түрік Республикасының бұл азаматы бауырлас халықтарымыздың жақындасуына өз деңгейінде елеулі үлес қосып жүрген жан. Оның еңбегі Елбасы тарапынан да жоғары бағаланып, 2010 жылы журналистердің кәсіби мерекесіне орай берілетін марапаттардың қатарында оған Президенттің Алғысы жарияланған болатын. Осындай білікті, байсалды, жоғары мәдениетке ие азамат енді Бакудегі халықаралық Кавказ университетіне басшылық қызметке ауысып отыр.
«Егемен Қазақстанның» басшысы Сауытбек Абдрахманов Салих Акчай үйлестірушілік қызмет атқарған кезеңдегі «Диалог Еуразия» платформасының қазақстандықтарды түрік бауырлармен жақындастыру, Түркияны таныта түсу, екі ел арасындағы өзара түсіністік пен сыйластықты дамыту мақсатында жасаған шараларына, Қазақстан туралы жазған материалдарына ризашылық білдіріп, біздің елімізге байланысты талай мінберлерден айтқан оң пікірлеріне жоғары баға берді. «Соның ішінде сіз, – деп атап көрсетті акционерлік қоғамның президенті, – бірнеше «егеменқазақстандықтарды» да Анадолы жеріне іссапарға апарып, Түркияның хал-ахуалын көрсетіп, түрлі саладағы мамандарымен, өнер адамдарымен, ойшылдарымен жақын таныстырдыңыз. Қазақстанның дінаралық келісім саласында қалыптасқан тәжірибесін насихаттау үшін сіз біздің еліміздегі дәстүрлі діндер өкілдерін де Түрік Республикасына апарып, жерлестеріңізге олардың өзара келісім мен төзімділікті басшылыққа алып, тату өмір сүріп жатқанын көрсеттіңіз. Бұл үлкен жұмыс», дей келіп, Салих Акчайдың жасаған игі істеріне өз тарапынан алғыс білдірді және болашақтағы еңбегіне жеміс тілеп, «Егеменнің» атынан сыйкәде жасады.
Жауап сөзінде Салих Акчай Қазақстан халқына шексіз риза екендігін, өзінің бұл жерден көп нәрсе үйреніп, рухани жағынан байып бара жатқанын жеткізді. Қазақта «ырыс қайда барасың дегенде, ынтымаққа барамын деген» сөз бар. Иншалла, осы ынтымақтарыңыздан айырылмасаңыздар, болашақта бүгінгіден де жақсы өмір сүретін боласыздар», деді толқып тұрып.
Жақсыбай САМРАТ.
Қазақстанда 19 жыл бойы қызмет еткен Түрік Республикасының бұл азаматы бауырлас халықтарымыздың жақындасуына өз деңгейінде елеулі үлес қосып жүрген жан. Оның еңбегі Елбасы тарапынан да жоғары бағаланып, 2010 жылы журналистердің кәсіби мерекесіне орай берілетін марапаттардың қатарында оған Президенттің Алғысы жарияланған болатын. Осындай білікті, байсалды, жоғары мәдениетке ие азамат енді Бакудегі халықаралық Кавказ университетіне басшылық қызметке ауысып отыр.
«Егемен Қазақстанның» басшысы Сауытбек Абдрахманов Салих Акчай үйлестірушілік қызмет атқарған кезеңдегі «Диалог Еуразия» платформасының қазақстандықтарды түрік бауырлармен жақындастыру, Түркияны таныта түсу, екі ел арасындағы өзара түсіністік пен сыйластықты дамыту мақсатында жасаған шараларына, Қазақстан туралы жазған материалдарына ризашылық білдіріп, біздің елімізге байланысты талай мінберлерден айтқан оң пікірлеріне жоғары баға берді. «Соның ішінде сіз, – деп атап көрсетті акционерлік қоғамның президенті, – бірнеше «егеменқазақстандықтарды» да Анадолы жеріне іссапарға апарып, Түркияның хал-ахуалын көрсетіп, түрлі саладағы мамандарымен, өнер адамдарымен, ойшылдарымен жақын таныстырдыңыз. Қазақстанның дінаралық келісім саласында қалыптасқан тәжірибесін насихаттау үшін сіз біздің еліміздегі дәстүрлі діндер өкілдерін де Түрік Республикасына апарып, жерлестеріңізге олардың өзара келісім мен төзімділікті басшылыққа алып, тату өмір сүріп жатқанын көрсеттіңіз. Бұл үлкен жұмыс», дей келіп, Салих Акчайдың жасаған игі істеріне өз тарапынан алғыс білдірді және болашақтағы еңбегіне жеміс тілеп, «Егеменнің» атынан сыйкәде жасады.
Жауап сөзінде Салих Акчай Қазақстан халқына шексіз риза екендігін, өзінің бұл жерден көп нәрсе үйреніп, рухани жағынан байып бара жатқанын жеткізді. Қазақта «ырыс қайда барасың дегенде, ынтымаққа барамын деген» сөз бар. Иншалла, осы ынтымақтарыңыздан айырылмасаңыздар, болашақта бүгінгіден де жақсы өмір сүретін боласыздар», деді толқып тұрып.
Жақсыбай САМРАТ.
