АҚШ геологиялық қызметінің деректері бойынша, жер сілкінісінің магнитудасы 6,7 баллды құраған. Дүмпу ошағы Түркияның Бодрум қаласынан 10,3 шақырым және Грекияның Кос аралынан 16,2 шақырым қашықтықта, 10 шақырым тереңдікте орналасқан.
Еуропалық-жерорта теңізінің сейсмологиялық орталығы зілзаланың алғашқы толқынынан кейін 5,1 балл тіркелгенін хабарлаған. Сейсмологтар сондай-ақ жер сілкінісі Эгей теңізінде шағын цунами тудырғанын атап өтті.
Алдын-ала деректер бойынша, Грекияның Кос аралында апат салдарынан екі адам қаза тапты, 120-сы зардап шеккен. Сондай-ақ бірнеше көне құрылыс нысаны қираған.
Түркияның Бодрум қаласында 70-ке жуық адам түрлі жарақат алған.
