Польша Парламентінің қос палатасынан өткен бұл заң польшалықтардың наразылығын тудырып, ел бойынша қарсылық шерулеріне ұласты. Әлі қабылданбаған заң жобасы бойынша Жоғарғы соттың қазіргі судьялары зейнетке кетіп, жаңа судьяларды Әділет Министрлігі тағайындамақ. Шеруге шығушылар жаңа сот реформасының демократияға қарсы екенін және соттың тәуелсіздігін жоятынын айтып отыр. Польшалықтармен қатар, аталмыш заң жобасына АҚШ Мемлекеттік департаменті мен Еуропалық Одақ алаңдаушылық білдірді. Нәтижесінде Польша Президенті заңның әділеттік сезімін нығайтпайтынын айтып, вето қоятынын жеткізді.
