Мұндай ойындарыңызбен, осындай нәтижеден кейін Еуропа лигасының плей-офф кезеңіне дайындалғыңыз келмей ме?
«Астананы» жеңісімен құттықтаймын. Бірақ футболда бәрі мүмкін. Екінші ойында соңына дейін күресетін боламыз.
«Астананың» осындай ойынына «Легия» не себепті дайын болмады?
Біз бұл ойынды өткеннің еншісіне қалдырып, Польшадағы матчты ойлайтын боламыз. Бүгін «Астана» мүлдем басқаша ойнады деп есептеймін. Олардың қандай басымдықтары барын білетінбіз. Бәрін жоспарлы түрде жүзеге түрде асырды.
«Легия» қаншалықты өз ойынын көрсете алды. Төреші қосымша алты минут қосқанда іштей қуандыңыз ба?
Мен төрешінің қанша минут қосатынына әсер ете алмаймын. Бүгінгі ойын алаң иелерінің басымдығымен өткенін тағы да ерекше атап өтемін. «Легия» Варшавада бәрін реттеуге тырысады.
Аян ӘБДУӘЛИ,
"Егемен Қазақстан"
