Жан-жақты мәлімет берілді

Қазақстан Республикасы Парламенті Мәжілісінің Төрағасы Орал Мұхамеджанов Еуропа Кеңесінің Бас хатшысы Турбьорн Ягландпен кездесті, деп хабарлады осы палатаның баспасөз қызметі. Палата Төрағасы қалыптасқан байланыс туралы айта келіп, Қа­зақстан 2009-2011 жылдарға ар­­нал­ған «Еуропаға жол» бағдар­ла­масын жүзеге асырып жатқанын тілге тиек етті. Онда мемле­ке­ті­міздің ішкі реформаларын жүзеге асырудың арқасында еуропалық стандарт­­тар­ға жақындату жөнін­дегі страте­гия­лық жоспары ай­қын­далған. О.Мұхамеджанов өз сөзінде мей­манның сапары ел Тәуелсіз­ді­гі­нің 20 жылдығы қарсаңына сәй­кес келіп отырғанын, осы кезең ішінде Қазақстан халықаралық дең­гейде Мемлекет басшысы Н.Назар­баев­тың басшылығымен ай­тарлықтай табысқа жеткенін айт­ты. 1991 жы­лы 29 тамыз күні Ел­басы Нұрсұл­тан Назарбаев «Семей ядролық сы­нақ полигонын жа­бу туралы» тарихи Жарлыққа қол қойды. Бұл әл­емдегі ірі сынақ аймақтарының бірі болатын. 2010 жылы сәуір айында Вашингтон қаласында ядролық қау­іпсіздік жө­ніндегі жаһандық Саммитте Президент Н.Назарбаев ядролық қарусыз әлем декла­ра­ция­сын әзір­леу қажет екені, МАГАТЭ шең­бе­рінде ядролық отынның ха­лық­ара­лық банкін Қазақстан аума­ғын­да орналастыруға әзір екені жө­нінде ұсыныс жасады. БҰҰ Бас Ассамблеясының 66-шы сес­сия­сын­да сөйлеген сөзінде Президент осы бастамасын тағы да жария етті, деді Мәжіліс Төрағасы. Мәжіліс Төрағасы мейманға мемлекет саясаты туралы жан-жақты айта келіп, Қазақстан 2010 жылы ТМД елдерінің арасында бірінші болып ЕҚЫҰ-ға төраға­лық еткенін, биыл Қазақстан Ислам Ынтымақтастығы Ұйымына жетекшілік ету жөніндегі маңыз­ды міндетті өз қолына алғанын мә­лімдеді. Кездесу барысында тәу­елсіз Қазақстанның басты же­­тіс­тіктерінің бірі ұлттараралық және діндераралық келісімге негізделген ішкі тұрақтылық екені айтылды. Қазақстан Республика­сының Тұң­­ғыш Президенті Нұр­сұл­тан Назар­­баевтың бастама­сы­мен Астанада Әлемдік және дәс­түрлі діндер көш­басшыларының үш рет съезі болып өткені, 2012 жылы төртінші съезі өтетіні мәлімделді. Еліміздің басқа та­быстары да аталды. Мейман өз кезегінде: «Қазақ­стан – біз үшін маңызды мемлекет. Біз Қазақстанды тұрақтылық­тың мекені, ядролық қарусыздану және әлемді қауіпсіздікпен қамта­масыз ету бастамашысы деп білеміз», – деді. Кездесу соңында тараптар Қазақстан мен Еуропа Ке­ңесі арасындағы өзара саяси ын­тымақтастық байланыс алдағы уақытта да жоғары деңгейде дами беретініне сенім білдірді.