14 Қазан, 2011

Бухгалтерлік есептілік мәселесі қаралды

215 рет көрсетілді
Бухгалтерлік есеп және аудиторлық қызмет мәселелері бойынша консультативтік кеңестің кезекті отырысы болды. Қаржы министрі Болат Жәмішев кезекті оты­рыс­ты өз әріптестерін кәсіби мейрамдарымен құт­тықтаудан бастады. Оған мемлекет органдарының және кәсіби бухгалтерлер мен аудиторлар қауым­дас­тығының өкілдері қатысты. Отырыстың күн тәртібінде халықаралық маңызы бар мәселелер (Дүниежүзілік экономикалық форумның Бәсекеге қабілеттілік жөніндегі ғаламдық индексінің қоры­тындылары және Дүниежүзілік банкпен ынтымақ­тастық нәтижелері) және Қазақстанның маңызды ішкі заңнамалық бастамашылық мәселелері қаралды. Отырыста атап көрсетілгеніндей, Қазақ­станның «Аудиторлық және есептілік стандарттар дәрежесі»  көрсеткіштері бес пунктке көтерілген. 2010 жылы Қазақстан 142 елдің ішінен 93 орында болған еді. Бұл көрсеткіш Қаржы министрлігінің стратегиялық жоспарында көзделгеннен гөрі біраз жақсарған. Сол сияқты, 2010-2011 жылдардағы жұмыс қорытындылары бойынша Дүниежүзілік банктің есебінде берген ұсынымдары мен ұсыныс­тарының абыроймен орындалғаны атап өтілді. Отырыста Қазақстан Республикасында бухгалтерлік есеп жүйесін одан әрі жетілдіру бойынша іс-шаралар айқындалды. Мысалы, қаржы есептілік депозитарийін енгізу мәселесі. Бұл мәселе қаржы есептілік сапасын көтереді. Пайдаланушылар ендігі жерде www.dfo.kz. сайтына кіру арқылы қажетті ақпараттарды ала алады. Орта және шағын бизнеске жүктемені төмен­дету мақсатында орта бизнес субъектілер санатын айқындау жоспарланып отыр. Оларға едәуір жеңіл­діктер берілген.  Қалған шағын бизнес субъектілері № 1 Халықаралық қаржылық есептілік стандартын қолданатын болады. Ол оңайлату жағына қайта қаралып отыр. Бұл жағдай кәсіпкерлердің шығыс­тарын елеулі түрде қысқартады. Орта бизнес кәсіпорны ендігі кезекте ХҚЕС қолданатын болады, бұл ХҚЕС-тың толық жиынтығынан әлдеқайда жеңілірек және оның ресми дайын оқу материалдары бар. Осы мәселе жөнінде Қаржы министрлігі Кәсіби қауымдастықпен бірлесе отырып, Астана мен Алматы қалаларында шағын және орта кәсіпкерлік үшін ХҚЕС бойынша 2012 жылға екі семинар өткізуді жоспарлап отыр. Консультативтік орган кеңесінің нә­ти­желері бойынша талқылауға қатысқан кәсіби ұйым­дардың өкілдері Қаржы минис­трлігінің ұсынысын қолдады және консультативтік кеңестің маңызды жұ­мыстарын атап көрсетіп, бұл өз­герістер мен реттеулер пайдала­нушылар үшін есептіліктің са­пасын арттыруға мүмкіндік беретіндігін жеткізді. ҚР Қаржы министрлігінің баспасөз қызметі.
Соңғы жаңалықтар

Ұқсас жаңалықтар