15 Қазан, 2011

Ән әлемінің қос аруы

219 рет көрсетілді
Егіз қозыдай екеуі Жамбыл же­ріне ең алғаш келгенде, өнері­не тамсанған аудандық партия коми­тетінің сол кездегі бірінші хатшы­сы мәдениет саласындағы жауап­ты жігіттерге арнайы тап­сырма беріп, «Мына қыздардан айыры­лып қалмаңдар. Жағдайын жасап, қамқорлыққа алсаңдар, түбі осы­лар сахнаның сәні бола­ды», деген екен. Бұл шындыққа айналды. Қаскелең қаласындағы мәде­ни-ағарту училищесінің ең соң­ғы курсында оқып жүрген Айман мен Шолпан Дауыдовалар осылайша 1981 жылы Жамбыл ауданына өндірістік машықта­ну­дан өтуге келгенде-ақ жұртқа та­нылыпты. Содан бері талай су ақты. Арада отыз жыл да зы­мы­рап өте шықты. Екеуі Жамбыл аудандық мәдениет үйінің сах­на­сының сәніне айналды. Олардың үлгісімен талай ұрпақ әнші бо­луға ұмтылды. Олардың сыңғыр үні талай кеудеге шуақ құйды. Қос өнерпаздың аяулы анасы Қатипа халық әндерін тамыл­жы­та айтатын әнші, ауыл отыры­сында өлеңмен сөз қағыстырса, ешкімге есесін жібермейтін ақ­ын­дығы бар. Егіз қызға өнер осы кісіден дарыған. Тағы бір ай­та­тыны – отбасындағы қызғал­дақ­тай сегіз қыз бен бір ұл шетінен өнерлі. «Айнам-ау», «Бүлдірген», «Беу, ай­дай», «Гүлдариға», «Жыл­­қы ішін­де ала жүр», «Бекзатым-ай», «Әйәй, бөпем», т.б. халық ән­дері бұлардың репертуарын ес­тіген құ­лаққа етене жақын етсе, Нұрғиса Тілендиев пен Әсет Бейсеуовтің, Жолдасхан Құра­мы­сов пен Нышан Төлегеновтің әндері, бүгінгі эстра­да­лық әуен­дерді де барынша байы­тып, түр­лендірді. Әрбір әнді өзіндік нақыш-рең­­кімен салатын Айман мен Шолпан қа­зір мәдениет бөлімі ұй­ым­дасты­ра­тын «Қыз сыны», «Жетісу жұл­дыз­дары», «Жетісу аруы», «Әсет­­тің әсем әндері-ай», «Келіндер сы­ны» сияқты байқау­ларда жас өнерпаздардың қанатын қа­тай­туға үлес қосып, әдіскерлік қыз­метпен айналысып жүрген тә­жі­рибесі мол ұстаздар саналады. Екеуі екі шаңыраққа келін, ұл-қыз өсірген аяулы ана атан­ды. Шолпанның Айдосы мен Айжаны, Айманның Дәурені мен Мәншүгі, Әлиясы есейіп, біреулері ержетсе, екіншілері бой жетті. Қалаған мамандықтарын меңгеріп, келешекке сенімді құлаш сермеді. Айманның қызы Әлия Семетаева да әнші. Қазақтың Қыздар педа­гоги­­калық университетінің музыка факультетін бітірген қос өнерпаз қазір білікті ұстаз, аудандық мә­дениет үйінің ансамблінде шертер аспабын шебер меңгерген музыкант. Қасиетті домбыраның қоңыр үніне қосылып, ән аспа­нында Ай мен Шолпандай жар­қы­раған күміс көмей қос әнші­ле­рі­мізге, әншіліктің туын биік ұс­таған егіз қызға қашанда шыға­р­машылық шабыт тілейміз. Күмісжан БАЙЖАН. Алматы облысы, Жамбыл ауданы. –––––––––––––– Суретте: Айман мен Шолпан анасы Қатипамен бірге.
Соңғы жаңалықтар

Доллар бағамы қайта өсті

Қаржы • Бүгін, 16:12

Ұқсас жаңалықтар