Театр • 31 Тамыз, 2017

Ла Скала театры Астанада

172 реткөрсетілді

Операның отаны саналатын Миландағы Ла Скала театры астаналық көрермендерге жауһар туындыларын ұсынбақ. Музыка мәдениетіне елеулі еңбек сіңірген Зубин Мехтаның дирижерлік пультты басқаратынынан-ақ,  көлемді циклдерден тұратын музыкалық шығармалардың салмағын таразылай беруге болады. Сексеннің сеңгіріне шығып отырған маэстро жүздеген партитураларды жатқа білетіндіктен, көзді жұмып тұрып-ақ ноталарсыз дирижерлік етеді. 

9 қыркүйекке дейін Астана Опера театрында Джузуппе Вердидің «Фальстаф» операсы мен Людвиг ван Бетховеннің Ре Минор, Ор 125 №9 симфониясы көпшілік назарына ұсынылады. Осыған орай өткен баспасөз жиынына Ла Скала театрының директоры Александр Перейра, солист Амброджо Маэстри, театрдың қоюшы режиссері Домиано Микелетто мен мәдениет және спорт министрі Арыстанбек Мұхамедиұлы қатысты.

Әйгілі композитор Джузуппе Вердидің үш көріністен тұратын «Фальстаф» операсының тұсаукесері 1893 жылы Миландағы осы Ла Скала театрында өткен болатын. Опера желісі қарт музыканттарға арналған «Casa Verdi» үйінде өрбиді. Қартайып, шау тартқан әнші Фальстафтың жүрегін махаббат қиялы тербейді. Вердидің аталған композициясы аңызға айналған Миланның жарқын тіршілігінің қалтарысты тұсынан сыр шертеді. Кезінде Вердидің өзі «менің ең көркем операм» деп атаған қойылымның қоюшы режиссері – Дамиано Микелетто, суретші-сценографы – Паоло Фантин, костюмдер бойынша суретшісі – Карла Тети.

Әңгіме арасында Ла Скала театрының директоры Александр Перейра театрдың табысты болуының негізгі құпиясына тоқталды. Оның айтуынша, «адамгершілік қасиет тұрғанда театр мәңгі жасай бермек».

– Ла Скаланың табысты болуының бір сыры – шығармалардың барлығы тірі дауыста орындалады. Әрине сіздер Пласидо Дамингоның орындауындағы шығарманы дисктен де тыңдай аласыздар. Дегенмен дисктегі музыка үнемі бір қалыптан ауытқымайды. Жанды дауыста орындап тұрған артист әрдайым үздік орындап шығуға ұмтылатындықтан, шығарма өңі құлпыра түседі, түрленіп, мың сан құбылады, – дейді директор. Ал театрдың репертуарлық бағдарламасы қос тараптың арнайы келісімімен жүзеге асырылған. – «Фальстаф» операсы – ең күрделі шығармалардың бірі. Қазақстанға Фальстаф партиясының үздік орындаушыларын таңдап әкелдік. Көңілді, үні зор әртістің бірі – Амброджо Маэстриді айтуға болады. №9 симфониясын әлемді үндестікке шақыруға арналған жолдауымыз деп қабылдауға болады. Ал бірлік бүгінде ең маңызды дүние.

Ла Скала театры

Танымал театр ұжымы Астанаға толық құраммен келгенін айта кету керек. Хор, оркестр, солистер мен техникалық қызметті қосқанда, барлығы 260 адам.

«Театрмен бірге сахна декорациясы мен жабдықтар тиелген 14 жүк көлігі келді. Дайындық жұмыстары соңғы бір аптада қызу жүріп жатыр. Осы орайда, театрдың барлық шығынын демеушілердің қолға алғанын, қазақстандық тараптан қаржы бөлінбегенін баса айтқан жөн», – деді Мәдениет және спорт министрі Арыстанбек Мұхамедиұлы баспасөз мәслихатында.

EXPO-2017 бағдарламасы аясында Ла Скала театрының опера труппасы, хор мен симфониялық оркестрінің алғашқы гастрольдік сапарына итальяндық «Eni» энергетикалық компаниясы мен «Samruk-Kazyna Trust» әлеуметтік серіктестігі қолдау көрсетіп отыр.

Ая ӨМІРТАЙ,

«Егемен Қазақстан»

Баннер
Соңғы жаңалықтар

Көш басында - Канело

Спорт • Кеше

Ауылда да субұрқақ бар

Аймақтар • Кеше

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Мейіргер Шархат

Аймақтар • 14 Маусым, 2019

Ұқсас жаңалықтар