Түрлі себептермен орындалмай келе жатқан игілікті істің жүзеге асуын қала әкімі Бауыржан Байбек қадағалапты. Тақтаның ашылу құрметіне орай ұйымдастырылған жиынды қалалық тіл басқармасының басшысы Мамай Ахет басқарды. Жиында ақынның жары Зинура, ұлы, белгілі әдебиет сыншысы Амангелді Кеңшілікұлы, достары Нұрлан Оразалин, Темірхан Медетбек, Иран-Ғайып, Серік Тұрғынбекұлы, қаламдас аға-інілері Қуанышбай Құрманғали, Аманхан Әлімұлы, Ғалым Жайлыбай және тағы басқа да ақын-жазушылар сөз сөйледі. Ақынның мінезі, болмысы, өлеңі туралы айтылды. Ақын-досы Серік Тұрғынбекұлы Кеңшілікке арнаған өлеңінде: «28 жылдан кейін үйіңе қайтып оралдың ұя салып» деді.
Өлімнің бәрі бірдей ме?
Жо-жо-жоқ, оған
қарсымын.
Мен өлсем ертең гүлдейді,
Тамырым менен
талшығым.
Ұя салған ақын – тірі. Сөзі – тірі. Ендеше, жырсүйер қауым барда ақынның жыры, сөзі ел жадынан өшпек емес, елімен бірге жасай бермекші.
Бағашар ТҰРСЫНБАЙҰЛЫ,
«Егемен Қазақстан»
АЛМАТЫ
