Фото: Руфина Торпищева
Гауһар Ахметова 1995 жылы Павлодар мемлекеттік педагогикалық институтының педагогика және бастауыш білім беру әдістемесі және музыка кафедрасын, Л.Гумилев атындағы Еуразия университетін «Философия тарихы» бойынша аспирантура бітірді. Ол философия ғылымдарының кандидаты, ассоциациялық профессор, «Болашақ» Президенттік стипендиясының иегері. Әр жылдары өзі ректор болып тағайындалған оқу орнының Академикалық жұмыстар жөніндегі проректоры, «Философия және әлеуметтік-гуманитарлық пәндер» кафедрасының меңгерушісі секілді жауапты қызметтерді атқарған.
С. Торайғыров атындағы университеттің өңірдің қоғамдық және ғылыми өмірінде үлкен маңызды орын алады. Енді университеттің жаңа басшысы Гаухар Ахметов мен профессорлық-оқытушылық құрамы Мемлекеттік бағдарламалардың шеңберінде жоспарланған барлық жоспарларды жүзеге асыруға қолдау көрсететініне сенім білдірді.
Фарида БЫҚАЙ,
«Егемен Қазақстан»
Павлодар
