Университеттің медициналық орталығында «Хирургия және онкологиядағы инновациялық технологиялар» тақырыбында өткен шеберлік-сыныбына интерн-дәрігерлер мен хирургия саласының резиденттері қатысты.
Бүгінде лапароскопиялық оталар 3D режімде ең жаңа шетелдік құрылғылармен жасалуда.
– 3D экраны бар, іш құрылысының ауқымды бейнесін көрсететін технология кез келген клиникада бола бермейді. Мен сіздердің құрылғыларыңызға таң қалып отырмын, медициналық орталықтарыңыз өте жақсы жабдықталған, – деп бағалады жергілікті орталықпен танысқан Йошихиро Носо.
Жаңа технологиялар медицина қызметкерлерінің мүмкіндіктерін кеңейтіп отыр.
– Лапароскопиялық оталардың белгілі шектеулері болады, біз операция барысында органдардың қаншалықты терең орналасқанын көре алмаймыз. Ал 3D режім немесе стерео-режім бұл кемшілікті жояды деп айтуға болады, – деді ҚММУ № 2 хирургиялық аурулар кафедрасының меңгерушісі Ермек Тұрғұнов.
Мирас АСАН,
«Егемен Қазақстан»
ҚАРАҒАНДЫ
