Мәжілістің отырысында «Қазақ тілін жаңғыртудың басты көрсеткіші – латын жазуына көшу» деп атап көрсетіліп, бұл қадамның әлем қазақтарын біріктіретін маңызды фактор екеніне назар аударылуы соның тағы бір жарқын дәлелі.
Қай ел, қай мемлекеттің де рухани болмысын танытатын оның өнері екені анық. Латын әліпбиіне көшу – бұл заман талабы. Ал өнер адамдары латын әліпбиін қолдану арқылы әлемдегі ең дамыған өркениетті елдермен тереземізді теңестіре аламыз деген пікірде. Келер ұрпақтың болашағы үшін жасалған игі бастаманы қуана қабыл алған қазақтың маңдайалды өнер майталмандарының барлық БАҚ құралдарында латын әліпбиінің ел тағдырындағы маңызын көрсетіп, азаматтық ой-пікірін білдіріп жатқаны бүкілхалықтық қолдауға ұласады деп сенеміз. Бір-бірімен танысып, шұрқырасып табысып, түсінісу үшін тілді қажет етпейтін барша ұлттар мен халықтарға өнердің тілі қандай түсінікті болса, ел мен елдің ұғынысуына латын әліпбиі де дәл сондай міндет атқаратынына еш күмәнданудың қажеті жоқ. Латын графикасы жер бетіндегі барлық халыққа ортақ әмбебап жүйесі арқылы қазақ халқын да әлемдік кеңістікке батыл бастап бара алады. Латын әліпбиін дамыған мемлекеттердің қатарына кіру үшін жасалған алғышарт деп білемін.
Ұлттық өнердің қара шаңырағы бола білген М.Әуезов театрының ұжымы бүгінгі – ел болашағы үшін қабылданғалы отырған маңызды шешімге қолдау көрсетіп, еліміздің жаңа әліпбиге көшуіне белсенді атсалысатын боламыз.
Ерлан БІЛӘЛОВ,
М.Әуезов атындағы
Қазақ мемлекеттік академиялық драма театрының директоры, Қазақстанның еңбек сіңірген қайраткері
АЛМАТЫ
