«Спорттық карьерамды қайта бастағым келеді»

Осыдан біраз бұрын спорттық мансабын кәсіпқой бокста жалғастыру үшін АҚШ-қа аттанған Дәурен Елеусінов бір жарым жылдан бері шаршы алаңға шықпапты. Бұған промоутерлік компаниялардың уәделерінде тұрмағаны себеп болған екен...

 

Егемен Қазақстан
09.10.2017 2685

Бүгінге дейін бес жекпе-жегінде жеңіске жетіп, біреуін тең аяқтаған боксшы мұхиттың ар жағындағы өмірі, алдағы жоспарлары туралы ой бөлісіп және інісі – Олимпиада чемпионы Данияр Елеусіновтің әуесқой боксқа қайта оралуына қатысты сұрақтарымызға жауап берді. 

– Дәурен, сұхбатымызды Ген­на­дий Головкин мен Сауль Аль­варес арасындағы жекпе-жек қоры­тын­дысына қатысты пікіріңізден баста­сақ. Сіздің ойыңызша, бұл шешім қан­шалықты әділетті?

– Меніңше, бұл – бокс әлеміндегі екі алыптың есімін әлі де пайдалану мақсатында шығарылған шешім. Ұйым­дас­тырушыларға екеуіне қарымта жекпе-жек беру арқылы тағы да ақша жасау керек болып тұр. Өзім сол салада аздап жүргендіктен жоғары жақтағылардың көздеп отырған мақсатын түсінемін. 

Бұл айқаста Геннадий белсенді болды. Ашық шабуылға шығып, көбірек соқ­қы жұмсауға тырысты. Ал «Канело» қор­ғанысқа көңіл бөлгенімен, дәл соқ­қылар жағынан басым түскендей көрінді. 

– Әңгіме ауанын өзіңізге бұрсақ. Жақында Астанада өткен бокс кешінде сізді көріп қалдық. Елордаға қашан келіп едіңіз? 

– Шамамен бір айға жуықтады. Ата-анамызды көріп кетейік деп келдік, әрі визаны создыратын да уақыт жақын­дап қалды. Одан бөлек біржарым жыл жек­пе-жексіз жүрдім. Промоутерлік компаниялармен келісімшартты үзгенмін, енді осы жұмысты ретке келтіру керек. Алғаш барғанда, тәжірибесіздіктің кесірі ғой, бірінші кездескен промоушн­мен келісіп қол қоя салғанмын. Не құжат тексермегенмін, не жаттығу жағдайының жақсы болатынына әбден көз жеткізіп алмағанмын. Бұлай дейтінім, кездесулер­ге қиын жағдайда дайындалу­ға тура келді. Белгіленген жекпе-жектер өтпей қала­тын. Құрғақ сөзге алданып жүргенімді түсінгендіктен, келісімшартты бұзамын деп шештім. Бірақ оның өзіне біржарым жыл уақыт кетті. Енді мұндай жұмыстарға жауапты қарау керектігіне көзім жет­кендіктен, спорттық карьерамды қателіксіз қайта бас­тағым келеді. Біреуге құл болып жұмыс істегім келмейді. 

– Жылдың басында басқа компаниямен келісімшартқа қол қойды деп естіп едік...

– Жоқ, одан да бас тарттым. Мұхиттың ар жағында ТМД елдерінен келген бокс­шыларға спорт гастарбайтерлері ретінде қарап, пайдаланып қалғысы келеді. Ешқандай жағдай жасалмайды. Ал екінші компанияның талабы бойынша інім Данияр да сол қатарға қосылуы керек еді. Бірақ ол бас тартқандықтан, менің келісімшартым да жарамсыз болды. Дегенмен арада келіспеушілік болған жоқ.

– Америкаға арман қуып баратын боксшылар көп. Бәрі де өз жолын тап­қы­сы келеді. Ал бәсекеге төтеп беру үшін не істеу керек?

– Ең алдымен сауатты заңгер­лік­пен «қаруланған» жөн. Себебі келісімшарт жасар алдында арнайы маман­ның көмегі қажет болады. Боксшы қандай қағазға қол қойып жатқанын бүге-шегесіне дейін оқып шығуы керек. Өз басым маған хабарласып кеңес сұраған жерлестерімнің барлығына соны айтамын. Қазір кәсіпқой боксқа ауысып жатқан жастардың көбісі маған хабарласады. Келісіміңді бермес бұрын басқа боксшылармен сөйлесіп, сол промоушн жайлы зерттеп алған жөн. 

Қайталап айтамын, кәсіпқойлар ара­­сында өнер көрсеткісі келетін был­ғары қолғап шебері алдымен құжат­тарға баса мән бергені жөн. Себебі келісім­шарты­ңыз­дың бір бұрышында көрінер-көрінбес әріп­термен қағазда жазылғанның бәрін жоққа шығаратын пункттер болуы әбден мүмкін. Яғни, жылдап тегін жұмыс істе­геннен гөрі аудармашыға немесе заңгерге ақша төлеп, барлық мәселенің басын бірден ашып алған жөн.

– Әуесқой бокста Азия чемпионатында топ жардыңыз, халықаралық турнирлерде үздік атанып жүрдіңіз. Чемпиондық жолды жалғастыруға не кедергі болды?

– Әуесқой бокста азды-көпті бағымды сынап көрдім. Дегенмен, кәсіпқой боксқа ауысатын уақыт жеткенін түсіндім. 

Шыны керек, бала күнімнен маған әуесқой бокс ұнамайтын. Бірақ біздің елде кәсіпқой боксқа ауысып кетуге бұрын мүмкіндік аз еді. Сондықтан әуесқойлар арасында өзіме біраз тәжірибе жинап алуым керек деп қана жүретінмін. Әуесқой боксты өз басым кәсіпқой боксқа дейінгі саты деп қарастырдым. Бокста өзін дамытқысы келетін жастарға да біртіндеп осы спортқа бет бұруға кеңес беремін. Бірақ бұл шетелдік промоутерлерге құлдыққа бар дегенім емес. Меніңше, әлеуеті мол боксшыларға кәсіпқой боксқа жол салу керек. Әйтпесе құрамаға іліге алмаған қаншама дарынды жігіттер күзетші қызметінен әрі аса алмай жүр.

– Данияр жайлы нақтылай кетсек. Кәсіпқой боксқа ауысу туралы ойы­нан бас тартуына не себеп? Ағасы ре­тін­де оның бұл шешімін қолдайсыз ба?

– Негізі бұл сұраққа Даниярдың өзі жауап бергені дұрыс шығар. Ал менің бұған қатысты пікірім екіұдай. Әуесқой бокста біраз белесті бағындырды, енді кәсіпқой бокста шыңдала түссе екен деп едім. Оған Даниярдың мүмкіндігі же­те­ді. Еңбекқор, табиғат берген дарыны да бар. Бірақ бастапқы келісімшарт көңіл­ден шықпаған соң, кәсіпқой боксқа бару райынан бас тартып, әуесқой боксқа оралуды жөн көрді. Ол кішкентай бала емес. Шешімді өзі қабылдайды. Ал мен оны ағасы ретінде қай кезде де қолдаймын.

– Әңгімеңізге рахмет.

Әңгімелескен 
Мәдина АСЫЛБЕК,
журналист
 

СОҢҒЫ ЖАҢАЛЫҚТАР

22.10.2017

Студенттерге арналған «Ұлы дала жастары» жобасы іске қосылды

22.10.2017

Қостанайда полицейлер көкпар тартты

22.10.2017

Жанат Жақиянов жеңіліп қалды

21.10.2017

«Хабар» агенттігі БАҚ өкілдері арасында дәстүрлі футбол турнирін өткізеді

21.10.2017

Кенияда журналистер мінген тікұшақ көлге құлады

21.10.2017

5,5 пайыздық мөлшерлемемен несие бере бастады

21.10.2017

Роналду жылдың ең үздік футболшысы атанды

21.10.2017

Мешітті тонаған азамат ұсталды

21.10.2017

Кәсіпкерлер палатасы есеп берді

21.10.2017

Қазақ романсиадасына 20 жыл

21.10.2017

Қырғыз саясаткері Нұрсұлтан Назарбаевқа өтініш білдірді

21.10.2017

Сарыағаштық шаруалар қайта өңдеу ісін жандандыра бастады

21.10.2017

Газ келді. Қосуда қиындық бар

21.10.2017

Рухани келісім – бейбітшілік негізі

21.10.2017

Ауғанстан мешіттеріндегі жарылыстан құрбандар саны артуда

21.10.2017

Түркияда Қазақстан мәдениеті мен киносының күндері

21.10.2017

Қостанайда құқық қорғау қызметтері орталығы ашылды

21.10.2017

Қарттар үйіне көтеру құрылғысын тарту етті

21.10.2017

Қостанайда полицейлер көкпар тартты

20.10.2017

Қазақстанның Қауіпсіздік Кеңесінде кадрлық өзгерістер болды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Кімді тұлға тұтамыз?

Баяғының жастарына «Мен өмір­ден өзімді іздеп жүрмін» деп сөйлеу тән болатын... Жақында Америкада оқып жүрген қазақ­стандық жас өреннің пікірін тыңдап көруге тура келді.

Жылқыбай ЖАҒЫПАРҰЛЫ, «Егемен Қазақстан»

Дауыл алдындағы тыныштық болып жүрмесін

Төрткүл дүниені тығырыққа тіреген 2008 жылғы жаһандық қаржы дағдарысы мен 2009 жылғы «ұлы рецессиядан» енді ғана оңала бастаған әлем экономикасы 2016 жылдан бастап баяу да болса тұрақты даму бағытына бет бұрды.

Бақытгүл САЛЫХОВА, педагогика ғылымдарының кандидаты

Шексіз білім

«Білім шексіз бе, әлде білімнің шегі бар ма?» деген сұраққа жа­­уап­ іздеп жүріп, Оксфорд уни­вер­ситетінің профессоры, матема­тик Мар­кус дю Сотойдың «Біз нені біле алмаймыз: білім шегіне сая­хат» («What we cannot know») ат­ты кітабын сатып алдым. Про­фес­сор бұл кітабында нөлден бас­­­тап жетіге дейінгі межені бел­гілейді. Нөлінші межені «Белгілі, бірақ белгісіз» әлде «Белгілі, бірақ бей­мәлім» деген дұрысырақ па?­ Біз біле­тін нәрседен бастап еш­қашан біле алмайтынға, ал одан шек­сіздікке дейінгіні тұспалдайды. Біз нені білмейміз және нені біле ал­маймыз? 

Сейфолла ШАЙЫНҒАЗЫ, «Егемен Қазақстан»

Ұялы байланыс: ұтқан кім, ұтылған кім?

Бүгінде ұялы телефонды пайдалан­байтын адам кемде-кем. Олай болса осынау ертелі-кеш қолымыздан тастамай «рахатын» көріп жүрген игілік үшін кімдерге қанша ақша санап береді екенбіз?  

Талғат СҮЙІНБАЙ, «Егемен Қазақстан»

Қарсылық па, таршылық па?

«Біреу Алматыға бір «КамАЗ» сәбіз әкеліп төгіп, елге тегін таратты» деген хабардың шығуы мұң екен, веб-сайттар ақырғы жаңа­лықтың айналасына шыбындай үймеледі. 

Тағы да оқу

Пікірлер(1)

Жандос (09.10.2017 14:22:22)

Спортшы ретінде мүлде болашағы жоқ атлет деп есептеймін. Тағы айта кетерлігі, бұл боксшы ешқашан Азия чемпионы болған емес. 2009 жылы Азия чемпионатында қола жүлде алған. Ең жоғарғы биігі сол.

Пікір қосу