Президент • 18 Қазан, 2017

ҚР Президенті халықаралық келісімдерді ратификациялау туралы бірқатар заңға қол қойды

357 рет
көрсетілді
1 мин
оқу үшін

ҚР Президенті Нұрсұлтан Назарбаев Қазақстан мен Сербия арасындағы, сондай-ақ Еуразиялық экономикалық одаққа мүше мемлекеттер арасындағы келісімдерді ратификациялау туралы бірқатар заңға қол қойды. Бұл туралы Ақорданың баспасөз қызметі хабарлайды. 

ҚР Президенті халықаралық келісімдерді ратификациялау туралы бірқатар заңға қол қойды

Мемлекет басшысы төмендегі заңдарға қол қойды:

— «Қазақстан Республикасы мен Сербия Республикасы арасындағы сотталған адамдарды беру туралы келісімді ратификациялау туралы»;

— «Қазақстан Республикасы мен Сербия Республикасы арасындағы қылмыстық істер бойынша құқықтық көмек туралы шартты ратификациялау туралы»;

— «Қазақстан Республикасы мен Сербия Республикасы арасындағы ұстап беру туралы шартты ратификациялау туралы»; 

— «Еуразиялық экономикалық одаққа мүше мемлекеттер арасындағы қызметтік және азаматтық қаруды өткізу туралы келісімді ратификациялау туралы».

Заңдардың мәтіні баспасөзде жарияланады.