Республикалық қоғамдық кеңес отырысына Парламент депутаттары, Мәдениет және спорт министрлігінің, орталық мемлекеттік және жергілікті атқарушы органдардың қызметкерлері, ҮЕҰ басшылары, партияның орталық аппарат пен аймақтық филиалдарының, қоғамдық кеңестердің, БАҚ-тың өкілдері қатысты.
Кеңесте аталған сала бойынша сыбайлас жемқорлыққа катысты қылмыстар санының өсіп отырғаны атап өтілді. Сыбайлас жемқорлыққа қарсы қызмет осы салада 2015-2016 жылдар мен 2017 жылдың 6 айында 175 сыбайлас жемқорлық қылмыстары тіркеген, оның ішінде 2015 жылы – 57, 2016 жылы – 74 және 2017 жылдың 1-ші жартыжылдығында – 44.
Республикалық кеңесте қарауға дайындау үшін «Нұр Отан» партиясының жанындағы Сыбайлас жемқорлыққа қарсы іс-қимыл жөніндегі қоғамдық кеңес төрағасының орынбасары Қ.Сүлейменов басшылық еткен жұмыс тобы құрылып, оның құрамына Мәжіліс депутаттары Б.Кесебаева, А.Платонов, «Нұр Отан» партиясының орталық аппаратының қызметкерлері, Мәдениет және спорт министрлігінің өкілдері енгізілді.
Талдау нәтижесінде мәдениет және спорт саласында сыбайлас жемқорлықтың елеулі қаупі бар екендігі, оған қарсы министрлік пен жергілікті атқарушы органдар тарапынан қажетті шаралар болмай отырғандығы анықталды.
Республикалық қоғамдық кеңес отырысының қорытындысы бойынша орталық және атқарушы органдарға анықталған кемшіліктерді жою бойынша нақты ұсынымдар берілді.
«Егемен-ақпарат»
